07.05.2011 / 12:49

Ці належыць беларусам чапляць георгіеўскія стужкі? меркаванні: дыскусія 283

Калі мы хочам ушанаваць мужнасць беларусаў, больш адпаведна рабіць тое з выкарыстаннем нацыянальных колераў — бел-чырвона-белых ці чырвона-зялёных, хто якія вызнае.

У апошнія гады ў Беларусі, услед за Расіяй, з’явілася традыцыя перад 9 Мая упрыгожваць аўтамабілі і дамы чорна-аранжавымі стужкамі – так званымі георгіеўскімі.

Іх рэкламуюць на білбордах, развешваюць на вітрынах крамаў, раздаюць на вуліцах. Што гэта за стужка і якое дачыненне да Беларусі яна мае?

Чорна-аранжавая стужка ўпершыню з’явілася як дадатак да самай высокай узнагароды Расійскай Імперыі – Ордэна святога Георгія. Яе колеры азначалі дым і агонь і сведчылі аб мужнасці жаўнера на месцы бою. Пасля распаду Імперыі ўсе яе ўзнагароды выйшлі з ужытку і ў СССР георгіеўская стужка вярнулася толькі ў часы вайны пад назвай «гвардзейскай». Ёй упрыгожвалі Ордэн Славы, а пасля вайны і медаль «За перамогу над Германіяй».

Ордэнам Славы ўзнагароджваліся толькі шарагоўцы і сяржанты, а таму для савецкага грамадства ён стаў сімвалам мужнасці простага салдата.

У савецкія часы колерам перамогі быў колер чырвонага сцяга. У постсавецкай Расіі камуністы аказаліся ў апазіцыі, а ўлады пачалі замест чырвонага сцяга піярыць чорна-аранжавыя стужкі.

Наколькі апраўданае выкарыстанне чорна-аранжавай стужкі ў Беларусі? Калі ўлічыць, што гэта адзін з сімвалаў Расійскай Імперыі, то такое пакланенне перад ёй выглядае дзіўнавата. А калі пагадзіцца, што георгіеўская стужка – сімвал мужнасці простага жаўнера, то навошта тады ўпрыгожваць ёй пляшкі з гарэлкай ды начныя клубы? Удзельніка вайны, які звязвае з гэтым сімвалам памяць аб тых страшных днях, гэта можа адно абразіць.

Калі мы хочам ушанаваць мужнасць беларусаў і грамадзянаў іншых нацый, якія склалі галовы ў той вайне, больш адпаведна рабіць тое з выкарыстаннем нацыянальных колераў
— бел-чырвона-белых ці чырвона-зялёных, хто якія вызнае.
Але не колераў імперыі, якая была акупантам Беларусі, адабрала ў беларусаў іх вольнасці, зруйнавала нашы ратушы і нашу культуру і давяла нашу краіну да стану адной з найбяднейшых у Еўропе.
Памяць пра вайну трэба аддзяліць ад імперскай прапаганды.

Мікола Бугай

0
Здань / Адказаць
06.05.2010 / 10:57
Дык маскалі такія стужкі і лепяць - адразу пазнаеш.
0
георгевская лента в руках дельцов / Адказаць
06.05.2010 / 11:28
сейчас только ленивый не рекламируется ч георгевской ленточкой. Ролик: "фанфары, ветераны... ПОКУПАЙ СУПЕР ЛОТО, И МЫ СНОВА ПОБЕДИМ!" плакат: "ПРИХОДИ 9 МАЯ В ТОРГОВЫЙ ЦЕНТР И ПОЛУЧИШЬ ГЕОРГЕВСКУЮ ЛЕНТОЧКУ БЕСПЛАТНО" примечание. ничего выдуманного - всё так и есть. сегодня цепляют ленточку, завтра - чужие ордена. Общество к этому готово.
4
Чытач / Адказаць
06.05.2010 / 11:31
"Калі мы хочам ушанаваць мужнасць беларусаў і грамадзянаў Беларусі іншых нацыянальнасцяў, якія склалі галавы за свабоду ў той вайне, больш адпаведна рабіць тое з выкарыстаннем нацыянальных колераў — бел-чырвона-белых..." Прапануеце адзначыць мужнасць удзельнікаў ВАВ сцягам, які ў той час быў у калабарантаў? Вось гэта мегалол! Увогуле, бачна, што пісаў русафоб. І чаму не падпісанае прозвішча аўтара? Чаму ён хаваецца? Рэд. Наконт сцяга калабарантаў - звычайная прапаганда каланізатараў, на якую можа купіцца толькі чалавек без самастойнага мыслення. Бел-чырвона-белы сцяг - нацыянальны сцяг беларусаў.
Паказаць усе каментары/ 283 /
Каб пакінуць каментар, калі ласка, актывуйце JavaScript у наладах свайго браўзеру