Cёньня ў менскім Доме кіно ў 15.30 і 18.20 адбудзецца прэм’ера кінафільму «Franz+Polina», паводле аповесьці Алеся Адамовіча «Нямко».
На прэм’ерным паказе «Franz+Polina» з гледачамі сустрэнуцца стваральнікі карціны, а таксама дачка Алеся Адамовіча – Натальля.
Сам Алесь Адамовіч называў «Нямко» «нявыдуманай гісторыяй» каханьня беларускай дзяўчыны і маладога нямецкага салдата.
Карціна зробленая на студыі «Югра-фільм» (Расея). У ёй занятыя кінаакторы зь Беларусі, Расеі, Нямеччыны. Здымкі праходзілі ў Беларусі.
Кінастужка сёлета ў ліпені была прадстаўленая на Міжнародным кінафэстывалі ў Маскве. Як пісалі ў сваіх рэцэнзіях маскоўскія і бэрлінскія крытыкі, фільм «Franz+Polina» ёсьць гісторыяй Рамэа і Джульеты Другой усясьветнай вайны і за пачуцьцямі гэтых маладых людзей стаіць ня проста варожасьць клянаў, але і варожасьць народаў.