07.05.2010 / 09:50

Мядзведзеў: Злачынствы Сталіна дараваць нельга 2

Вялікую Айчынную вайну выйграў народ, а не Іосіф Сталін.

Вялікую Айчынную вайну выйграў народ, а не Іосіф Сталін, людзі маюць права добра ставіцца да яго, але з дзяржаўнага пункту гледжання генералісімус здзейсніў масу злачынстваў супраць народа, якія нельга дараваць. У Расіі рэнесанс сталінізму немагчымы, заявіў прэзідэнт Расіі Дзмітрый Мядзведзеў.

«Ёсць абсалютна відавочныя рэчы — Вялікую Айчынную вайну выйграў наш народ, не Сталін і нават не ваеначальнікі, пры ўсёй важнасці таго, чым яны займаліся. Так, іх роля была, безумоўна, вельмі сур'ёзнай, але ў той жа час вайну выйгралі людзі цаной неймаверных намаганняў, цаной жыцця велізарнай колькасці людзей», — сказаў Мядзведзеў у інтэрв'ю газеце «Известия».

На яго думку, ролю Сталіна можна ацэньваць па-рознаму.

«Хтосьці лічыць, што роля Вярхоўнага галоўнакамандуючага была надзвычайнай, хтосьці лічыць, што гэта не так. Пытанне не ў гэтым, а ў тым, як мы ў цэлым ацэньваем саму постаць Сталіна. Калі казаць пра дзяржаўную ацэнку, пра тое, як ацэньваецца Сталін кіраўніцтвам краіны ў апошнія гады, з моманту ўзнікнення новай расійскай дзяржавы, то тут ацэнка відавочная: Сталін здзейсніў безліч злачынстваў супраць свайго народа. І нягледзячы на тое, што ён шмат працаваў, нягледзячы на тое, што пад яго кіраўніцтвам краіна дасягала поспехаў, тое, што было зроблена ў дачыненні да ўласнага народа, нельга дараваць», — лічыць прэзідэнт.

0
Filifionka / Адказаць
07.05.2010 / 15:13
Варта даваць пажыцьцёвае за такія ўчынкі. Як "вышэйшую меру сацыяльнай абароны". Ізаляваць іх ад патэнцыйных ахвяраў і карміць, пакуль самі не памруць. А не кідаць грэх на душу якомусьці кату.
0
Filifionka / Адказаць
07.05.2010 / 15:15
Прамазала з камэнтаром. Пісала пра піцерскіх забойцаў. Сп. мадэратар, пакладзіце, куды трэба, плз.
Каб пакінуць каментар, калі ласка, актывуйце JavaScript у наладах свайго браўзеру