У Туркменіі ў турме памерла карэспандэнтка Радыё Свабода Агульсапар Мурадава
58-гадовую спн.Мурадаву арыштавалі ў чэрвені. Адвакатаў да яе не дапушчалі. Паводле дадзеных праваабаронцаў, ёй сілком давалі псыхатропныя сродкі, каб вымусіць яе прызнацца ў “падрыўной дзейнасьці”.
У жніўні яе прысудзілі да шасьці гадоў зьняволеньня — паводле абвінавачваньня ў незаконным перахоўваньні боепрыпасаў.
Пра прычыну сьмерці няма ведама. Яе сваякоў сёньня выклікалі ў морг дзеля афіцыйнага апазнаньня.
Міжнародныя праваабаронцы неаднакроць выяўлялі скрайнюю заклапочанасьць лёсам Мурадавай.
0
0
0
0
0
0
