16.05.2010 / 19:45

Дырэктыва № 4 – прыватызацыя 75% актываў Беларусі? 39

Праект дырэктывы №4 прадугледжвае прыватызацыю 75% актываў краіны, адмену рэгулявання цэн і павелічэнне падаходнага падатку да 15%.

Сайт «Беларускі партызан» апублікаваў меркаваны праект дырэктывы № 4.

Тэкст указа, калі яго сапраўды падпіша кіраўнік дзяржавы, здзейсніць рэвалюцыю ў беларускай эканоміцы.

Вось некаторыя палажэнні дырэктывы:

1. Правесці лібералізацыю цэн і тарыфаў. Для гэтага:

1.1. скасаваць Камітэт па цэнах пры Міністэрстве эканомікі Рэспублікі Беларусь, перадаць ягоныя функцыі профільным міністэрствам

1.2. Адмяніць рэгуляванне цэн на імпартныя тавары і паслугі.

1.3.

Адмяніць рэгуляванне цэн на ўсе тавары, паслугі і працы, за выключэннем тарыфаў на жыллёва-камунальныя паслугі, электраэнергію, газ, грамадскі транспарт, паслугі тэлефоннай сувязі (за выключэннем мабільнай), а таксама паслугі, якія прадстаўляюцца дзяржаўнымі арганізацыямі ў сферы аховы здароўя і адукацыі.

1.4. Правесці міжнародны аўдыт выдаткаў на вытворчасць электрычнай, цеплавой энергіі, газу, паслуг грамадскага транспарта, водазабеспячэння, тэлефонных паслуг, апублікаваць дадзеныя аўдыту і прыняць план пераходу на бездатацыйны характар продажу дадзеных тавараў і паслуг з улікам павелічэння інвестыцыйнай прывабнасці

1.5. Ліквідаваць практыку адміністрацыйнага ўсталявання для вытворцаў розных цэнаў на тавары на ўнутраны і на вонкавыя рынкі, у тым ліку па калійных і азотных угнаеннях, драўніне, паліўна-энергетычным рэсурсам.

1.6. Адмяніць практыку прысваення органамі дзяржаўнага кіравання нацэначнай катэгорыі і лімітавай нацэнкі аб’ектам грамадскага харчавання.

1.7. Адмяніць неабходнасць складання эканамічных разлікаў, якія пацвярджаюць узровень коштаў (тарыфаў) на тавары (працы, паслугі).

2. Правесці лібералізацыю ліцэнзавання, сертыфікацыі і выдачы дазволаў. Для гэтага:

2.1. Захаваць дзяржаўнае рэгуляванне ў відзе ліцэнзавання, абавязковай сертыфікацыі толькі ў тых сферах, дзе існуе непасрэдная пагроза жыцця і здароўю чалавека. Ліцэнзаванне ўсіх астатніх відаў дзейнасці адмяніць.

2.4. Ажыццявіць пераход ад абавязковай да добраахвотнай сертыфікацыі тавараў і паслуг.

2.5. Распрацаваць праграму поўнага пераходу беларускай прадукцыі на міжнародныя стандарты якасці ISO. Ажыццявіць пераход ад ГОСТаў на ISO на ўсе тавары і паслугі да 2014 года.

2.6. Правесці аналіз працэдуры выдачы дазволаў, прыняць адзіны парадак іх атрымання з вызначэннем патрабаванняў і тэрмінаў. Перайсці на рэжым атрымання дазволаў праз інтэрнэт да 2012 году.

3. Прыняць меры па безумоўнай абароне правоў ўласнасці і развіцця вольнай канкурэнцыі. Для гэтага:

3.1. Выключыць з усіх нарматыўных прававых актаў нормы, якія прадугледжваюць канфіскацыю маёмасці ў суб’ектаў гаспадарання, што не з’яўляюцца яго ўласнікам, калі гэта маёмасць не знаходзіцца ў прадпрыемства на правах гаспадарчага вядзення, пакуль у судовым парадку не будзе ўсталявана, што гэта маёмасць набытая незаконным шляхам.

3.2. Ліквідаваць практыку пазасудовага ўжывання арышту грашовых сродкаў на рахунках і спісання іх на падставе прадпісанняў дзяржаўных органаў.

3.3. Выключыць з нарматыўных дакументаў магчымасці канфіскацыі маёмасці ў добрасумленнага пакупніка.

3.5. Адмяніць манаполію нацыянальнага аператара электрасувязі на пропуск міжнароднага інтэрнэт трафіку, а таксама трафіку паміж іншымі айчыннымі аператарамі электрасувязі.

3.10. Увесці інстытут прыватных судовых выканаўцаў.

3.11. Унесці змены ў закон аб прыватызацыі з мэтай паскарэння працэсу трансфармацый уласнасці.

Да 2013 году прынамсі 75% усіх актываў краіны павінны знаходзіцца ў прыватнай уласнасці.

3.12. Забяспечыць на працягу 2010 года продаж арандатарам арандаваных у рэспубліканскіх і мясцовых органаў улады памяшканняў, будынкаў, збудаванняў і іншых аб’ектаў па рэшткавым кошце, калі яны арандуюць іх больш за 2 гады. У выпадку адмовы арандатараў ад набыцця яны прадаюцца праз адкрыты аўкцыён.

3.13. Заснаваць Антыманапольны камітэт з шырокімі паўнамоцтвамі кантролю над дзеяннямі камерцыйных арганізацый, якія займаюць дамінантнае становішча на рынку, правядзеннем аўкцыёнаў, размяшчэннем дзяржаўных замоў.

3.14. Ліквідаваць інавацыйныя фонды і пазабюджэтныя фонды, ствараныя мясцовымі органамі ўлады.

4. Правесці лібералізацыю ўнутранага і замежнага гандлю. Для гэтага:

4.1. Адмяніць абмежаванне тэрміну (90 дзён) для правядзення замежнагандлёвых аперацый.

4.3. Адмяніць патрабаванні па асартыментным пераліку тавараў для аб’ектаў раздробнага гандлю і грамадскага харчавання.

4.4. Адмяніць для прадпрыемстваў прыватнай формы ўласнасці патрабавання абавязковай здачы выручкі ў банк.

4.7. Адмяніць статыстычную мытную дэкларацыю пры правядзенні экспартна-імпартных аперацый у гандлі паміж Беларуссю і Расіяй.

4.8. Завяршыць прыватызацыю ўсіх аб’ектаў гандлю, грамадскага харчавання і побытавага абслугоўвання да 2012 года.

4.9. Уніфікаваць мытныя стаўкі, зменшыць памер сярэдняўзважанага мыта да 3%.

4.10. Унесці неабходныя змены ў акты заканадаўства для прывядзення іх у адпаведнасць з нормамі і стандартамі СГА. Прыняць праграму дзеянняў урада па ўступе ў СГА да 2012 году.

5. Правесці лібералізацыю рынка працы і працоўных адносін. Для гэтага:

5.1. Падаць індывідуальным прадпрымальнікам, якія працуюць па агульнай схеме падаткаабкладання, правы наймання любой колькасці працаўнікоў, што выплачваюць адзіны падатак — да 5 працаўнікоў незалежна ад роднасных сувязяў.

5.2. Адмяніць абавязковасць ужывання Адзінай тарыфнай сеткі працаўнікоў Рэспублікі Беларусь для прадпрыемстваў і арганізацый з доляй дзяржавы ў статутным фондзе менш за 50%.

5.3. Устанавіць, што адзіным абавязковым дакументам паміж працаўніком і наймальнікам з’яўляецца працоўная дамова (кантракт).

5.4. Падаць права наймальніку і наёмнаму працаўніку самастойна вызначаць рэжым, час і ўмовы працы, а таксама ўмовы, формы аплаты працы.

5.5. Падаць камерцыйным арганізацыям права аптымізаваць занятасць у залежнасці ад рэальнага попыту на тавары, працы і паслугі.

5.6. Павялічыць дапамогу па беспрацоўі да сумы, эквівалентнай $120 у месяц.

5.8. Распрацаваць і прыняць заканадаўства пра ўвядзенне сістэмы страхавання па часавай непрацаздольнасці.

5.9. Стварыць спрыяльныя ўмовы для самазанятасці насельніцтва, прадугледзець магчымасць вядзення камерцыйнай дзейнасці фізічнымі асобамі без рэгістрацыі індывідуальнымі прадпрымальнікамі, але з апавяшчэннем органаў улады пра пачатак такой дзейнасці і выплатай падаходнага падатку.

6. Правесці лібералізацыю арэндных адносін, палепшыць сістэму кантролю над дзейнасцю камерцыйных арганізацый і індывідуальных прадпрымальнікаў. Для гэтага:

6.1. Паменшыць стаўкі арэнднай платы за памяшканні, вытворчыя пляцоўкі, якія належаць органам рэспубліканскай ці мясцовых улад, у 2 разы. Скасаваць падвышальны каэфіцыент «3» для офісных памяшканняў.

6.2. Увесці паніжальны каэфіцыент — 0,2 для ўсіх прадпрыемстваў малога бізнэсу, якія арандуюць нерухомасць у органаў рэспубліканскай ці мясцовых улад.

6.3. Спыніць практыку адміністрацыйнай фіксацыі арэндных ставак прыватнай камерцыйнай нерухомасці.

6.4. Ліквідаваць практыку прывязкі ставак арэнднай планы, тарыфаў на паслугі дзяржаўных арганізацый, дзяржаўных і мытных мыт, падаткаў і збораў да замежнай валюты і «базавым велічыням»; адмяніць прывязку памеру базавай велічыні да стаўкі першага разраду.

6.5. Увесці мараторый на правядзенне ўсіх выглядаў праверак суб’ектаў малога бізнэсу да 1.01.2013 г.

7. Палепшыць якасць падатковага адміністравання, зменшыць падатковую нагрузку. Для гэтага:

7.1. Зменшыць базавую стаўку падатку на дададзеную вартасць да 15%.
7.2. Замяніць адлічэнні ў Фонд сацыяльнай абароны насельніцтва і падаходны падатак адзіным сацыяльным падаткам 15%.

7.3. Уключыць у выдаткі, улічваныя пры падаткаабкладанні адсоткаў па пратэрмінаваных пазыках і крэдытам, а таксама пазыкам і крэдытам, злучаным з набыццём асноўных сродкаў, нематэрыяльных актываў і іншых пазазвароткавых (доўгатэрміновых) актываў.

7.4. Перайсці на квартальны рэжым выплаты падатку на дададзеную вартасць суб’ектамі малога прадпрымальніцтва.

7.6. Зменшыць агульную падатковую нагрузку, уключана з ўнёскамі ў Фонд сацыяльнай абароны насельніцтва і мясцовымі падаткамі, да 30% ВУП.

8. Прывесці акты заканадаўства Рэспублікі Беларусі ў адпаведнасць з дырэктывай да 1 верасня 2010 года.

0
Кейстут / Адказаць
16.05.2010 / 20:41
Дай бог, дай бог.. Калі прымуць хаця б 80 адсоткаў ад усіх прапановаў - абяцаю запісацца ў ініцыятыўную групу па зборы подпісаў за А.Г. Лукашэнку. :)
0
магадан / Адказаць
16.05.2010 / 21:00
праляцеў адным вокам. сур'ёзна... але па-сутнасці выбару ў іх няма, паўночнай карэі яны, на шчасце, не збудуюць.
0
eisernWolf / Адказаць
16.05.2010 / 21:20
Эта-ж колькі трэба было год да гэтага ісьці. Усё-ткі геі харошы маркер - раз яны пачалі зьяўляцца публічна, значыць на даляглядзе пакрысе пачынаюць выпаўзаць сапраўдныя эўрапейскія каштоўнасьці. Чакаем, калі ў Менску адновяць мячэць, а ў нейкім Графіці можна будзе разагнацца травкаю.
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру