15.09.2006 / 12:31

У Менску арыштаваны Зьміцер Дашкевіч (абноўлена) 1

Сёньня раніцай быў арыштаваны маладафронтавец Зьміцер Дашкевіч. Яго ўзялі пад варту, калі Зьміцер разам з адвакатам Аляксандрам Галіевым прыйшоў на допыт па справе «Маладога фронту» ў пракуратуру.

Сёньня раніцай быў арыштаваны маладафронтавец Зьміцер Дашкевіч. Яго ўзялі пад варту, калі Зьміцер разам з адвакатам Аляксандрам Галіевым прыйшоў на допыт па справе «Маладога фронту» ў пракуратуру.

Са словаў Галіева, ім абодвум было агалошанае рашэньне пракурора, паводле якога супраць Дашкевіча ўжытая мера стрыманьня як арышт. Яго сёньня ж адвезьлі на Валадарку. Дашкевіч пакуль што ідзе па справе як падазраваны, таму цягам дзесяці дзён яму мусяць прад’явіць абвінавачваньне або выпусьціць на волю.

Аляксандар Галіеў кажа, што другі варыянт менш верагодны. Пакуль адвакат ня можа дакладна адказаць ці будуць падавацца нейкія скаргі. Галіеў гаворыць, што ня можа паведаміць усіх падрабязнасьцяў справы, бо яшчэ ў сакавіку падпісаўся аб неразгалошваньні.

Якраз пасьля выбараў і была заведзена крымінальная справа ў дачыненьні да «маладафронтаўцаў». Дашкевіч першы, хто па ёй апынуўся за кратамі.

Фота Андрэя Лянкевіча

Зьміцер Панкавец

0
у салигорску таксами циск / Адказаць
15.09.2006 / 18:05
Сённяшни дзень выйшау цикавым на падзеи. Спачатку, на шостым занятку у школе, быу выкликаны старшыня салигорскага маладога фронту Иван Шыла. Ён праходзиць сведкай па крыминальнай справе. Нибыта ён 8 верасня а палове восьмай гадзины увечары, з невядомым нават самому Ивану, нешта грабануу. У пастарунку ён правёу недзе 2 гадзины, Але ж праз гадзину яму патэлефанавау актывист таго ж самага салигорскага маладога фронту Аляксей Валабуеу.Зараз ён знаходзицца у пастарунку. Ля милицыи зараз збираецца неабыякавая моладзь кааб выказаць салидарнасць.
Каб пакінуць каментар, калі ласка, актывуйце JavaScript у наладах свайго браўзеру