24.05.2010 / 17:29

БХД пачынае фармаваць альтэрнатыўны ўрад 32

для адзінага кандыдата на прэзідэнта.

Партыя Беларускай хрысьціянскай дэмакратыі выступіла з ініцыятывай утварыць альтэрнатыўны ўрад для адзінага кандыдата на прэзыдэнта.

Сузаснавальнікі партыі Віталь Рымашэўскі і Павал Севярынец пачалі кансультацыі з палітычнымі і грамадзкімі лідэрамі, а таксама незалежнымі экспэртамі адносна фармаваньня каманды адзінага кандыдата ад дэмакратычных сілаў.

На думку прадстаўнікоў БХД, альтэрнатыўны ўрад павінен прадставіць праграму пераменаў для Беларусі ў выглядзе канкрэтных законапраектаў і сьпісу асобаў, якія гатовыя зьдзейсьніць рэформы.

Плянуецца, што ў склад альтэрнатыўнага ўраду ўвойдуць ня менш за 20 ценявых міністраў — адмыслоўцаў у галінах дзяржаўнага кіраваньня, эканомікі, сацыяльнай палітыкі, адукацыі і культуры.

«Мы прапануем зрабіць раскрутку альтэрнатыўнага ўраду стрыжнем кампаніі адзінага кандыдата, — кажа Павал Севярынец. — Калі падчас прэзыдэнцкай кампаніі будуць штотыднёва прэзэнтавацца асобныя кірункі дзейнасьці новага ўраду, — дэмакратычная альтэрнатыва зробіцца для беларусаў значна больш зразумелай. Для таго каб людзі пайшлі за намі — і ў кампанію, і на Плошчу, — яны павінны ясна ўяўляць, за якія перамены мы змагаемся і што мы будзем рабіць пасьля перамогі».

0
baravik / Адказаць
24.05.2010 / 17:44
BHD respekt. Dauno para perajsci ad abmerkavanniau 10-12 "prezidentau" da alternatyvy, vyjaulenaj u praektah zakonau, iprezentacyi prafesijanalau, jakija buduc pravodzic reformy.
0
Хтосьці / Адказаць
24.05.2010 / 17:51
О, БХД не нашмат меньшыя бюракраты за цяперашнюю ўладу: "ня меньш за 20" міністраў супраць 26. Вунь, у вялізнай Нямеччыне - і то 16. Хаця, як жа ж? Кожнаму трэба па "партфельчыку"... А ўвогуле нагадвае дзяльбу скуры незабітага зьвера. Між іншым, уцямнай праграмы ніводзін з гэтых претэндэнтаў шчэ ня мае..
0
Клаўс Трафоб / Адказаць
24.05.2010 / 18:07
Ну і якіх адмыслоўцаў запрапануе БХД? Талакооных ілбоў? :)
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру