28.05.2010 / 14:16

У апошнія выхадныя мая Браслаў адзначыць 945‑гадовы юбілей 1

Гістарычная частка святкавання адбудзецца на Замкавай гары.

Гістарычная частка святкавання адбудзецца на Замкавай гары.

Дні сярэднявечнай культуры «Меч Брачыслава» 29—30 мая набудуць фармат класічнага фестывалю. У святочнай праграме бяруць удзел ваяры, рамеснікі, музыкі і танцоры. Свой удзел у свяце пацвердзілі пяць ваярскіх клубаў з Віцебскай вобласці: «Вангенторн», «Наглфар», «Чорны война», «Клуб імя Ластоўскага» і «Полацкі звяз». І два з Мінскай: Nordry і Try varing.

Старажытныя рамёствы прадэманструюць удзельнікі суполкі аматараў жывой археалогіі з Браслава і рамеснікі з Мінску. З канцэртнай праграмай выступяць беларускія гурты сярэднявечнай музыкі Testamentum terrae, Cornucopia, Terrae vagancika, «Няміга», а таксама гурт архаічнага спеву «Княжыч» з Полацка. Адметнасцю дзён сярэднявечнай культуры стане іх навуковая частка. Са стэндавымі прэзентацыямі на свята прыедуць навукоўцы і археолагі з Мінска.

Уваход на тэрыторыю Замкавай гары будзе платным. Кошт дарослага квітка складае тры тысячы рублёў, дзіцячага — паўтары.

Турысты, якія збіраюцца ехаць у Браслаў самастойна, змогуць размясціцца ў намётавым гарадку на турыстычнай базе «Браслаўскія азёры». Па пытаннях размяшчэння і харчавання можна таксама звяртацца ў турыстычны аддзел Нацыянальнага парка «Браслаўскія азёры».

З праграмай Дзён сярэднявечнай культуры можна пазнаёміцца тут.

0
Mikola / Адказаць
29.05.2010 / 10:49
Тыя археолагі, якія паехалі ў Браслаў, таксама навукоўцы, а таму ў тэксце не пішыце "навукоўцы і археолагі". У Беларусі няма археолагаў не навукоўцаў. У нас ёсць толькі археолагі-навукоўцы і т.зв. "чорныя археолагі".
Каб пакінуць каментар, калі ласка, актывуйце JavaScript у наладах свайго браўзеру