Нечарговы з’езд Партыі БНФ прайшоў 29 мая ў Палацы культуры Мінскага трактарнага завода.
Рыгор Кастусёў. Фота радыё «Свабода».
Лідэр Партыі Аляксей Янукевіч на ім зазначыў: «Мы ўсе ведаем, што Лукашэнка не збіраецца праводзіць будучыя выбары па іншым, чым у мінулыя гады — 2001 і 2006, сцэнары».
На прэзідэнцкіх выбарах Партыя БНФ будзе змагацца на двух франтах — супраць Лукашэнкі і прарасійскага кандыдата.
Паводле слоў Янукевіча, будучыя прэзідэнцкія выбары будуць мець адну адметную асаблівасць: Расія на гэтых выбарах не будзе падтрымліваць Лукашэнку.
«Крэмль і Лукашэнка пачалі сапраўдную вайну. У такой сітуацыі вялікая верагоднасць удзелу ў выбарах прарасійскага кандыдата. У яго будуць укладзены сур’ёзныя фінансавыя і інтэлектуальныя рэсурсы», — мяркуе Янукевіч.
Лідэр партыі ўпэўнены, што ўлады не збіраюцца праводзіць больш ліберальныя і дэмакратычныя выбары. «Думаю, выбары нават будуць праходзіць у горшых умовах у плане доступу да інфармацыі, а таксама працэдуры падліку галасоў», — сказаў ён.
Янукевіч мяркуе, што ў апазіцыі ёсць шанцы на перамогу. «Каб перамагчы, партыі неабходна аб’яднаць вакол сябе
Найбольш верагодны партыйны прэтэндэнт — - намеснік старшыні Партыі БНФ Рыгор Костусеў. Апрача таго, частка партыі лічыць неабходным падтрымаць на выбарах лідэра руху «За Свабоду» Аляксандра Мілінкевіча як наймацнейшага правацэнтрысцкага кандыдата. Трэцяя частка фронтаўцаў схіляецца да падтрымкі левацэнтрысцкай кааліцыі, не да канца ясны абрыс вымалёўваецца вакол кампаніі «Гавары праўду», посткамуністаў і Казуліна. Нарэшце, Віктар Івашкевіч, былы намеснік старшыні партыі, будзе ўдзельнічаць у кампаніі Андрэя Саннікава, каардынатара «Хартыі’97».
