Беларуская мытня ўзнавіла праверкі тавараў у цягніках «Калінінград-Масква»
Беларускія мытныя органы ўзнавілі праверкі законнасьці перамяшчэньня пасажырамі камэрцыйных партый тавараў у цягніках далёкага кіраваньня між Калінінградам і Масквой. Як паведамілі 19 верасьня карэспандэнту ІА REGNUM у прэсавай службе Калінінградзкай чыгункі, пра ўзнаўленьне праверак гаворыцца ў інфармацыйным лісьце Паўночна-Заходняй мытнай управы, які паступіў у рэгіянальную дырэкцыю па абслугоўваньні пасажыраў КЧ.
Ніякіх дадатковых забаронаў на тавары, што перавозяцца ў Калінінградзкую вобласьць і назад, мытныя органы Беларусі ня ўводзяць, - удакладніў прадстаўнік КЧ. Гаворка ідзе пра фармальнае датрыманьне спэцыяльнага мытнага рэжыму пры перамяшчэньні фізычнымі асобамі тавараў праз тэрыторыю іншай дзяржавы. Ён афармляецца прастаўленьнем штампаў «Вываз у Расейскую Фэдэрацыю дазволены» альбо «Вываз у Калінінградзкую вобласьць дазволены» на таварасуправаджальных дакумэнтах. Да іх адносяцца рахункі, таварныя квіткі або багажныя квітанцыі.
Пры вывазе з Масквы мытнае афармленьне праводзіцца на мытным посьце, разьмешчаным непасрэдна на Беларускім вакзале, - адзначылі ў прэсавай службе Калінінградзкай чыгункі.
Пры паездцы з Калінінграду ў Маскву аналягічная паслуга аказваецца супрацоўнікамі расейскай мытні непасрэдна на станцыі Несьцераў – калі камэрцыйную партыю тавараў пасажыр вязе з сабой у вагоне, і на мытным посьце ў багажным аддзяленьні Паўднёвага вакзалу Калінінграду, калі тавар перавозіцца ў багажным вагоне.
❏
Фота photo.bymedia.net
Каментары