21.09.2006 / 09:56

Сонца ўзыходзіць над Тонга 5

Гэтую дзяржаву ведаюць усе на сьвеце. Менавіта тут першымі сустракаюць сонца. Але й начальства ў гэтай краіне не абы-якое. Жыхары Тонга шчыра смуткавалі з прычыны сьмерці свайго караля Таўфаахаў Тупоу IV, які лічыўся самым важкім манархам у сьвеце - 200 кг. Пры тым ён быў адным з найбольш заўзятых спартоўцаў у сьвеце.

Гэтую дзяржаву павінны ведаць усе на сьвеце. Найперш таму, што менавіта тут узыходзіць Сонца й зачынаецца кожны наш новы дзень. Гэтая акалічнасьць паспрыяла таму, што сустрэць Міленіюм сюды панаехала рэкордная колькасьць цікаўных з усяго сьвету. Балазе, візаў сюды ня трэба нікому.

Але й начальства ў гэтай краіне не абы якое. Жыхары Тонга шчыра смуткавалі й аддаліся журбе з прычыны сьмерці свайго славутага караля Таўфаахаў Тупоу IV, які лічыўся самым важкім манархам у сьвеце, важыўшы больш за 200 кг. Пры тым, што й дзіўна, ён жа лічыўся адным з найбольш хцівых балельшчыкаў і заўзятых спартоўцаў у сьвеце!

Аэрапорт сталіцы каралеўства часьцяком закрывалі, каб Таўфаахаў Тупу IV, мог спакойна пагойсаць на ровары ці на роліках па роўнядзі ўзьлётнае паласы.

Гэтая дзяржава, што рассыпала ў акіяне болей на 700 км выспаў і рыфаў у Ціхім акіяне, ніколі не была калянізаваная. У 1878 г. тут была прынятая ўласная Канстытуцыя, што дзеіць да сёньня! Тутсама распаўсюдзілася й хрысьціянства. Але талеранцыя для тубыльцаў вышэй за ўсё. Яны належаць да паўтузіна розных (найперш мэтадысцкай і каталіцкай) цэркваў, але пануючай між іх няма!

Аднак Брытанія ўсё ж распаўсюдзіла й на яе свой пратэктарат, што скончыўся акурат з узыходам на пасад Таўфаахаў Тупу IV, які кіраваў сваёй Бацькаўшчынай болей за сорак гадоў. Пры ім зьявілася першая тангаанская газэта й першы нацыянальны тэлеканал. Лішне казаць, што гэты рахманы й мажны кароль быў вялікі жартаўнік.

Напрыклад, ён неяк паведаміў у Маскву, што вельмі любіць... балалайкі. Пасьля гэтага ўсе савецкія караблі заходзілі менавіта ў парты Тонга, прывозячы балалайкі ў каралеўскую калекцыю й... нямала даляраў ды тавараў. Гэтак, краіна, што ляжыць літаральна на краю сьвету, умудрылася зарабляць болей за сваіх ня гэткіх прыкольных суседзяў.

Лішне казаць, што Таўфаахаў Тупоу IV ня быў абазнаны ў дэмакратыі. Аднак выславіў такі адзін пэрл паліталёгіі: «Рашэньні, што прымае большасьць, усё адно не прымальныя для меншасьці, што можа быць значнай часткаю насельніцтва...». Таму, прымаючы ўсе рашэньні аднаасобна, ён вывеў сваю любімую нацыю ў шэрагі найбольш заможных у сьвеце. І тангаанцы аддзячылі яму той самай шчырай любоўю. Лішне таксама казаць, што кароль і ягоны народ гаварылі на адной мове.

Месца Таўфаахаў Тупу IV, аднаго з самых адметных палітыкаў сьвету, які памёр ва ўзросьце 88 гадоў, заняў ягоны сын прынц Тупута. Ён стаў новым каролём Тупу V, якому ўжо 58, таксама вялікі арыгінал: хвацкі бізнэсовец, ніколі ня быў жанатым, страшэнна любіць вайсковыя мундуры й катаецца па выспах на ...лёнданскай таксоўцы. Як ён будзе кіраваць 150.000 тысячамі сваіх падданых на 170 выспах, яшчэ пакажа час.

Пахаваньне Таўфаахаў Тупу IV, адбылося ўчора, у сераду, але жалоба працягнецца яшчэ месяц. Вечная памяць!

А сонца там па ранейшаму будзе ўзыходзіць.

SH

0
Burbalka / Адказаць
21.09.2006 / 11:36
дзіўна, на генеральнай асамблеі сусветнай рады цэркваў у маю малітоўную групу з 6ці чалавек уваходзіла дзяўчына з тонга. калі яна распавядала пра сваю краіну, то адзначала, што там некалькі тысячаў жыхароў (каля пяці), узначальвае яе манарх, і ўсе адно аднога ведаюць. Ні пра якія 700 тыс.км. не вялося, як і пра 150 тыс.чал. я ў разгубленасці...
0
po / Адказаць
21.09.2006 / 12:17
Nie pierazhyvajcie, Burbalka. "SH" maje schilnasc da pierabolshavannia.
0
Siaosi Tupou / Адказаць
21.09.2006 / 13:13
Government of Tonga Provides department information, tourism links and photo gallery. www.pmo.gov.to/ OFFICIAL NAME: Kingdom of Tonga Geography Area: 747 sq. km. (288 sq. mi.). Cities: Capital--Nuku'alofa (pop. 34,000). Terrain: 171 islands, mainly raised coral but some volcanic. Climate: Tropical, modified by trade winds. Warm season (December to May), cool season (May to December). People Nationality: Noun and adjective--Tongan(s). Population (2002 est.): 150,237. Age structure: 37.1% below 14; 4.2% over 65. Annual growth rate (2002 est.): 1.94%. Ethnic groups: Tongan 98%, other Polynesian, European. Religions: Wesleyan Methodist, Anglican, Roman Catholic, Seventh-day Adventist, Mormon. Languages: Tongan, English. Education: Literacy (2001 est.)--98.5%. Health: Infant mortality rate (2002 est.)--12.62/1,000. Life expectancy at birth--68.56 yrs.: female--72.14 years; male--67.05 years. Work force (1997 est.) 33,908: Agriculture--65%. Unemployment (1996 est.): 13.3%. Government Type: Constitutional hereditary monarchy. Constitution: 1875 (revised 1970).
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру