Нават няўзброеным вокам, нават не спэцыялістам відаць, што праекціроўшчыкі й будаўнікі паркінгу на Нямізе нахабна падманулі і сваіх калегаў і грамадзтва. Рэальны маштаб і характар бэтоннае спаруды зусім не адпавядае праекту. На глянцавых каляровенькіх карцінках мы бачылі адно, а насамрэч выйшла ўсё значна горш.
Год таму, 22 верасьня 2005 г. у Саюзе архітэктараў адбылося грамадзкае абмеркаваньне праекту дэталёвай пляніроўкі забудовы гістарычнага цэнтру Менску, у якім узялі ўдзел вядомыя архітэктары, прадстаўнікі творчых саюзаў, грамадзкіх арганізацыяў, Міністэрстваў архітэктуры і культуры й адміністрацыі.
Старшыня экспэртнай рады пры Саюзе архітэктараў заслужаны архітэктар краіны Вальмен Аладаў тады сказаў: «Загубілі мы палову Нямігі. Давайце ўсё ж зробім другую палову. Пакажам праект такому калектыву, вялікаму калектыву і знойдзем нейкія рашэньні.». Абмеркавалі – і разышліся. Пасьля месяцаў вялацякучага соўганьня, аднавіліся будаўнічыя працы на паркінгу над Нямігаю. Работа йдзе шпарка, сьпяшаюцца да зімы. Паркінг на Нямізе разьлічаны на 373 месцы. Нават няўзброеным вокам нават не спэцыялістам відаць, што праекціроўшчыкі й будаўнікі нахабна падманулі і сваіх калегаў і грамадзтва. Рэальны маштаб і характар бэтоннае спаруды зусім не адпавядае праекту. На глянцавых каляровенькіх карцінках мы бачылі адно, а насамрэч выйшла ўсё значна горш.
Тымачасам за плячыма грамадзкасьці, без аніякага абмеркаваньня адбыўся закрыты інвэстыцыйны конкурс па рэалізацыі паркоўкі на 300 месцаў у раёне за кінатэатрам «Масква». Сёньня разглядаюцца пытаньні аб разьмяшчэньні падземнай паркоўкі ў раёне музэя вайны па вуліцы Інтэрнацыянальнай. У раёне Юбілейнай плошчы плянуецца будаўніцтва паркоўкі на 300 месцаў. Тое, што застанецца ад старога гораду, будзе аточана шчыльным бэтонным кальцом з паркінгаў.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы47
Каментары