21.09.2006 / 17:23

Італьянцы абараняюць Віку Мароз 1

Ужо два тыдні няма ніякай пэўнасьці, дзе знаходзіцца Віка. Пракуратура Генуі яшчэ на мінулым тыдні распачала крымінальную справу на факт утойваньня дзіцяці. Карабінэры правялі цэлы шэраг шукальных мерапрыемстваў, але пакуль бяз плёну.

Італьянская сям’я Алясандра Джуста і Марыі Барначын працягвае ўтрымліваць у сябе беларускую дзяўчынку Віку Мароз. Італьянцы адмаўляюцца вяртаць Віку на Радзіму, бо ня маюць пэўнасьці, што ўмовы, ў якіх дзяўчынка ўтрымліваецца ў вялейскім доме-інтэрнаце, адпавядаюць усім нормам і ці ня будуць там зь яе зьдзеквацца. Беларускі бок запэўнівае, што ніякіх падставаў для перажываньняў няма, і нават запрашае італьянцаў разам зь Вікай прыехаць у Беларусь, каб пераканацца, што ёй нічога не пагражае.

Ужо два тыдні няма ніякай пэўнасьці, дзе знаходзіцца Віка. Пракуратура Генуі яшчэ на мінулым тыдні распачала крымінальную справу на факт утойваньня дзіцяці. Карабінэры правялі цэлы шэраг шукальных мерапрыемстваў, але пакуль бяз плёну.

Грамадзкая думка ў Італіі падзялілася на дзьве часткі. Большасьць жыхароў Апэнінскай паўвыспы выступае за тое, каб Віка не вярталася дадому. У яе абарону выступіў нават ксёндз Даніэле Грылё, які выказаў гатоўнасьць схаваць дзяўчынку ў сваім касьцёле. Пачаўся збор подпісаў у абарону дзяўчынкі. Ужо сабрана некалькі тысячаў подпісаў. У некаторых гарадах Італіі прайшлі акцыі ў яе падтрымку.

За тое, каб аддаць дзяўчынку беларускаму боку, выступаюць толькі тыя сем’і, якія бліжэйшым часам зьбіраюцца ўзяць да сябе на выхаваньне беларускіх дзетак: яны баяцца, што ў адваротным выпадку зрабіць гэта будзе немагчыма.

Зьміцер Панкавец

0
opihuiguizftfzudzzg / Адказаць
22.09.2006 / 14:26
Патрэбна спытаць у гэтай дзяучынки -пака яна у Италii- цi хоча яна жыць у калгаснай краiне дзе яна калi вырасце-будзе цялятнiцай альбо даяркай ? i каб да гэтай сям,i прыехалi i паглядзелi жыцце яе сяброукi з дзiцячага дому-дзе дырэктар-дэспат,дзе крадуць ежу,дзе цябе клiчуць байструком у класе, хай яна застаецца у Италii... Антон-бацька -4 дзяцей
Каб пакінуць каментар, калі ласка, актывуйце JavaScript у наладах свайго браўзеру