У Нацыянальную бібліятэку Беларусі перадалі 498 кніг, якія падчас Другой сусветнай вайны былі вывезеныя ў Германію.
Паведамляе БЕЛТА.
Кнігі належалі Гора-Горацкай акадэміі, аб чым сведчаць штампы на выданнях. Гэта літаратура на рускай, украінскай, беларускай, нямецкай, французскай, лацінскай мовах па біялогіі і батаніцы. Сярод каштоўных асобнікаў — «Гідраграфічны атлас» Расійскай імперыі 1832 года.
Кнігі знаходзіліся ў Берлінскім свабодным універсітэце. Як адзначыў доктар Вернер Фэт, спробы вярнуць калекцыю ў Беларусь рабіліся яшчэ пры існаванні СССР. Але тады нямецкія прапановы не знайшлі водгуку. І толькі цяпер кнігі вярнуліся назад.
0
0
0
0
0
0
