23.06.2010 / 13:47

Ветэраны Фронту будуць ваяваць за Саннікава 37

Да Віктара Івашкевіча далучыліся Юры Хадыка, Валянцін Голубеў, Аляксей Марачкін, Алесь Шатэрнік, а таксама шэраг кіраўнікоў раённых арганізацый БНФ.

Да Віктара Івашкевіча далучыліся Юры Хадыка, Валянцін Голубеў, Аляксей Марачкін, Алесь Шатэрнік, а таксама шэраг кіраўнікоў раённых арганізацый БНФ.

23 чэрвеня на Сядзібе БНФ прайшла прэс-канферэнцыя сяброў партыі, якія прынялі рашэнне далучыцца да каманды кандыдата ў прэзідэнты Андрэя Саннікава. Вёў сустрэчу Віктар Івашкевіч, які яшчэ 12 чэрвеня заявіў пра намер падтрымаць на прэзідэнцкіх выбарах лідэра грамадзянскай кампаніі «Еўрапейская Беларусь».

На пачатку сустрэчы ён паведаміў, што ягоны ўчынак разглядаўся на паседжанні Сойму і гарадской рады. Агучвалася пытанне магчымага прыпынення ягонага сяброўства ў партыі, а то і выхаду з яе. Тым не менш, паплечнікі Віктара Івашкевіча аднагалосна выказаліся за тое, каб ён заставаўся ў БНФ. Сп. Івашкевіч падкрэсліў, што ўнутры партыі ёсць рознагалоссі, але факт, што прэс-канферэнцыя адбываецца на Сядзібе з дазволу кіраўніцтва, сведчыць пра існаванне кансенсусу. «Ёсць разуменне таго, што мы робім супольную справу».

На прэс-канферэнцыю з’явіліся Юры Хадыка, Валянцін Голубеў, Аляксей Марачкін, Алесь Шатэрнік, а таксама кіраўнікі шэрагу раённых арганізацый партыі сталіцы і рэгіёнаў. Усе яны заявілі пра свой намер працаваць у камандзе Саннікава.

Большасць патлумачыла свой намер незадаволенасцю дзеяннямі сённяшняга кіраўніцтва партыі, недаверам да ўнутрыпартыйнага кандыдата, а менавіта магчымасцю зняцця яго на карысць аднаго з кандыдатаў у прэзідэнты.
Словы пра магчымасць такога павароту падзеяў гучалі неаднойчы, але толькі Юры Хадыка заявіў, што Рыгора Кастусёва, найхутчэй, «вылучылі пад Мілінкевіча».
Сп. Хадыка патлумачыў, што пераход часткі сяброў партыі ў каманду Саннікава — гэта спроба націснуць на кіраўніцтва партыі, каб аб’яднацца вакол аднаго кандыдата, таго, хто найбольш адпавядае інтарэсам партыі, а найперш — Беларусі.

Ініцыятыву Віктара Івашкевіча падтрымалі рады Кастрычніцкага, Ленінскага, Маскоўскага, Партызанскага, Першамайскага, Савецкага раёнаў сталіцы, а таксама суполкі Івацэвіцкага і Баранавіцкага раёнаў. Да каманды Саннікава далучыўся кіраўнік Мінскай абласной рады Зміцер Вінаградаў.

Сямён Печанко

0
Vitjaz / Адказаць
23.06.2010 / 13:56
каб аб’яднацца вакол аднаго кандыдата, таго, хто найбольш адпавядае інтарэсам партыі, а найперш — Беларусі.>>>>>> Интересам Беларуси вы все не адпявядаеце вместе взятые, с Санниковым, Милинкевичем, Лукашенко и прочими деятелями. Жаль Зенона Станиславовича на вас прямо теперь нет. И Василя Владимировича. Которого к сожалению уже и не будет.
0
Сяргей Панамароў, Клецк / Адказаць
23.06.2010 / 13:57
Те, кто годами цинично и голословно обвиняли в "перекупе" актива спадарём Милинкевичем, сегодня сами выбрали путь мярзотный в интересах своего живота и кровной шкуры! Что может быть омерзительнее, когда - ради личных интересов, шкурности, амбиций, потери постов... эти перебежчики убивают последний престиж всего белорусского дем/движения?
0
Барада / Адказаць
23.06.2010 / 14:16
Лузэры і партыйныя пэнсыянэры перабеглі да Саньнікава. На гэтым кандыдаце ўжо сьмела можна ставіць крыж.
Паказаць усе каментары/ 37 /
Каб пакінуць каментар, калі ласка, актывуйце JavaScript у наладах свайго браўзеру