Зборная Ганы выбіла з чэмпіянату свету зборную ЗША, атрымаўшы перамогу ў дадатковы час.
Герой сустрэчы, Азамоа Г'ян, фота REUTERS.
Ганцы першымі забілі гол у сустрэчы, ужо на 5-й хвіліне вызначыўся Кевін Баатэнг.
На 62-й хвіліне сустрэчы Лэндан Донаван з пенальці, прызначаным за фол супраць Клінта Дэмпсі, лік зраўняў.
Асноўны лік так і застаўся – 1:1. А ў дадатковы час, ужо на яго 3-й хвіліне, Азамоа Г’ян паставіў кропку – 2:1.
Амерыканцы так і нічога не змаглі зрабіць з абаронай Ганы. Ключык не падабралі. Зборная ЗША, якая не раз на гэтым чэмпіянаце, паказвала валявыя здольнасці і ўменне калі не перамагчы, то зраўняць лік, едзе дахаты.
У чвэрцьфінале зборная Ганы сустрэнецца са зборнай Уругвая,
якая ў суботу выйграла ў Карэі таксама з лікам 2:1. Гэты чвэрцьфінал пройдзе ў пятніцу, 2 ліпеня, і пачнецца ў 21:30.
Зборная Ганы паўтарыла поспех Камеруна (1990) і Сенегала (2002), прабіўшыся ў чвэрцьфінал, далей за які афрыканскія каманды не заходзілі.
У нядзелю, 27 чэрвеня, пройдуць матчы:
Англія – Нямеччына (17:00), Аргенціна – Мексіка (21:30).