27.06.2010 / 13:02

Невядомы замініраваў аэрадром Баравая 11

пад Мінскам, дзе адбываецца фестываль электроннай музыкі GlobalGathering.

«Тэлефанаваў па 102 нейкі п’яны і сказаў, што замінавана дыскатэка», — паведаміў прадстаўнік ГУУС Мінгарвыканкама. Ён не змог распавесці падрабязнасці, паколькі, паводле яго слоў, парадак забяспечвала міліцыя Мінскага раёна. Атрымаць каментар у раённым УУС пакуль не ўдалося. Паводле афіцыйна не пацверджанай інфармацыі, праводзілася эвакуацыя гледачоў, але ў выніку канцэрт працягнуўся.

Фестываль быў запланаваны з 18.00 да 6.00. Хедлайнер — знакаміты французскі ды-джэй Давід Гета.

На працягу гадзіны ўдалося высветліць, што паведамленне аб замінаванні было падманным, а таксама ўстанавіць асобу падазронага — ім аказаўся жыхар Мінска. Ахова фестывалю не пусціла яго на дыскатэку, бо ў яго не было білета, і, відаць у адплату, малады чалавек вырашыў сарваць імпрэзу.

Па гэтым факце праводзіцца праверка. У дачыненні да падазронага можа быць распачата справа на падставе арт. 340 КК (заведама падманнае паведамленне аб небяспецы). Мінімальнае пакаранне згодна з гэтым артыкулам — штраф, максімальнае — пазбаўленне волі на тэрмін да пяці гадоў.

0
vk3001 / Адказаць
27.06.2010 / 13:30
3 год запар бяссонная ноч жыхароў Зялёнага Луга, бо нават за зачыненымі вокнамі гэты бац-бац чутно!!! Мяркую, што шмат хто з іх з радасьцю прайшоўся б па тым аэрадроме напалмам, ня тое каб проста мініраваць
0
Siarzhuk88 / Адказаць
27.06.2010 / 20:18
Классный фестиваль!!! Побольше бы таких!!!
0
не-аматарка дум-дум / Адказаць
28.06.2010 / 00:13
дум-дум-дум было чутно і на Ўсходзе ( канечне, шыкоўная імпрэза, але пагубіліся недзе мае бярушы і я доўга змагалася з абурэннем у душы, бо цяжка засынаць спадзяюся, наведвальнікі атрымалі эмоцый столькі, каб пераважыць негатыў тых, хто не падзяляе радасцей такіх забаў
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру