02.07.2010 / 09:48

«Тарпеда»— «Фюлькір» — 3:0, «Лачы» — «Дняпро» — 1:1

Футбалісты жодзінскага «Тарпеда» паспяхова стартавалі ў кваліфікацыі Лігі Еўропы. 1 ліпеня ў першым матчы першага круга жодзінцы, якія ў сёлетнім чэмпіянаце Беларусі займаюць перадапошняе месца, разграмілі на сваім полі ісландскі «Фюлькір» з лікам 3:0 (Крывабок, 52, Огар, 59, Канцавы, 66).

Сустрэча ў адказ пройдзе 8 ліпеня ў Ісландыі.

У межах гэтага ж турніру магілёўскі «Дняпро» згуляў у гасцях унічыю 1:1 з албанскім «Лачы». Сапернікі зноў сустрэнуцца ў Магілёве 8 ліпеня.

У выпадку поспеху па суме двух матчаў у другім адборачным раундзе »Тарпеда» згуляе з бялградскім АФК, а «Дняпро» — з нарвежскім «Стабекам».

Каб пакінуць каментар, калі ласка, актывуйце JavaScript у наладах свайго браўзеру