02.07.2010 / 15:47

Экспартная пошліна на расійскую нафту знізілася на 15%

Экспартная пошліна на расійскую нафту знізілася на 15% — з 292,1 да 248,8 даляра за тону. Гэта прадугледжана пастановай урада Расійскай Федэрацыі ад 26 чэрвеня №472.

У адпаведнасці з дакументам экспартныя пошліны на светлыя нафтапрадукты знізіліся з 209,1 да 179,9 даляра за тону, на цёмныя нафтапрадукты — з 112,7 да 96,9 даляра за тону.

Раней у адпаведнасці з беларуска‑расійскімі дамоўленасцямі пошліна на нафту для Беларусі разлічвалася з прымяненнем паніжальнага каэфіцыента. Сёлета ў адпаведнасці з дамоўленасцямі 6,3 млн. тон нафты Беларусь атрымае без аплаты пошліны, астатнія 15,2 млн. тон будуць пастаўлены з уключэннем у цану 100% экспартнай пошліны.

Каб пакінуць каментар, калі ласка, актывуйце JavaScript у наладах свайго браўзеру