07.07.2010 / 16:36

«Гавары праўду» выйграла суд у Мінгарвыканкама 18

Справа датычыла ліквідацыі адукацыйнай установы «Рух наперад», якая праводзіць кампанію.

7 ліпеня ў Гаспадарчым судзе Мінска адбыўся разгляд пазову Мінгарвыканкама ў справе ліквідацыі рэгістрацыі адукацыйнай установы «Рух наперад».

«Рух наперад» быў зарэгістраваны Мінгарвыканкамам 10 лютага 2010 г., але адмяніць рэгістрацыю дзяржаўная ўстанова паспрабавала толькі зараз. Падставай для пазбаўлення рэгістрацыі, паводле прадстаўнічкі Мінгарвыканкама Эміліі Пазняк, якая ачольвае ў МІнгарвыканкаме Камітэт па ліквідацыі, меліся стаць непраўдзівыя звесткі, пададзеныя заяўнікамі падчас рэгістрацыі адукацыйнай установы.

Аднак падчас паседжання Эмілія Пазняк так і не змагла патлумачыць, ў чым заключаецца непраўдзівасць пададзеных звестак і якую шкоду «Рух наперад» нанёс Мінгарвыканкаму.

Пасля непрацяглага разгляду справы суддзя А.Аляшкевіч адхіліў пазоў дзяржаўнай установы ў справе ліквідацыі «Руху наперад», які ініцыяваў кампанію «Гавары праўду».

«Гэта мне падарунак на Дзень Народзінаў», — пажартаваў Уладзімір Някляеў пасля завяршэння паседжання. Ён таксама пракаментаваў інфармацыю аб крадзяжы подпісаў, сабраных актывістамі кампаніі «Гавары праўду» — «Яны хочуць нас зрабіць балбатунамі, неабавязковымі людзьмі. Менавіта таму і скралі подпісы, як нейкія злодзеі. Аднак заўтра вас усіх чакае сюрпрыз. Мы яго раскрыем падчас адмысловай прэс-канфэрэнцыі».

Алесь Пілецкі

0
Гомельскі рэаліст / Адказаць
07.07.2010 / 16:46
І хто цяпер будзе казаць пра руку Масквы? МАсквы Лукашэнка баіцца больш агню - ліквідавалі б без разьбяральніцтваў. Тое, што гэта не пра-Заходняя кампанія, нават яны самі не абвяргаюць. Што нам застаецца? Відавочна: гэта праект Адміністрацыі прэзідэнта з мэтаю раздрабіць дэмакратычная сілы, скупіць большасьць актыву. Грошай не шкадуюць, бо ім ёсьць, што губляць...
0
Вячка / Адказаць
07.07.2010 / 16:52
Што ж ён скрывіўся так?
0
Лоер / Адказаць
07.07.2010 / 17:26
інфармацыя ўтрымлівае дзьве грубыя памылкі: 1. Не грамадзкае аб'яднаньне, а ўстанова. 2. Не ліквідацыя, а прызнаньне рэгістрацыі несапраўднай. Сутнасна розныя рэчы.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру