Украінцам пакажуць «Беларусь ТБ»
Нацыянальны савет Украіны па тэлебачанні і радыёвяшчанні ўнёс у адаптацыйны спіс тэлеканал «Беларусь ТБ».
Нацыянальны савет Украіны па тэлебачанні і радыёвяшчанні ўнёс у адаптацыйны спіс яшчэ два замежных тэлеканала — «Беларусь ТБ» і «Да Вінчы».
«Тэлеканал «Да Вінчы «адпавядае нормам Еўрапейскай канвенцыі, па "Беларусь ТБ" нас была сустрэча з амбасадарамі, дзе мы абмяркоўвалі прысутнасць тэлеканала на ўкраінскім рынку.
Мы атрымалі ўсе дамовы, усе неабходныя дакументы з абгрунтаваннем іх прысутнасці ў Украіне», — паведаміла першы намеснік кіраўніка Нацсавета Аксана Головатенко.
«Беларусь-ТБ» — гэта дзяржаўны некамерцыйны тэлеканал, які кругласутачна вяшчае за межы краіны. Вяшчанне ажыццяўляецца на беларускай і рускай мовах. Тэлеканал «Беларусь-ТБ» уваходзіць у структуру Нацыянальнай дзяржаўнай тэлерадыёкампаніі Рэспублікі Беларусь.
Ej.by
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ