Здарэнні11

Міліцыянты сарвалі пагадненне на 13 мільярдаў

Міністэрства ўнутраных справаў Беларусі правяло акцыю па абароне эканамічных інтарэсаў дзяржавы і праінфармавала ўрад аб перадухіленні неэфектыўнага расходавання бюджэтных сродкаў у памеры 11 мільярдаў рублёў. Пра гэта «Беларускім навінам» паведаміла крыніца ў праваахоўных органах.

Усе буйныя праекты, якія фінансуюцца з дзяржбюджэту, рэалізуюцца пры так званым «аператыўным суправаджэнні» сілавых структур. У дадзеным выпадку гаворка ідзе аб Дзяржаўнай праграме інавацыйнага развіцця на 2007–2010 гады, згодна з якой для патрэбаў сельскай гаспадаркі меркавалася закупіць біялагічныя кансерванты, якія садзейнічаюць павелічэнню тэрмінаў захоўвання і павышэнню якасці кармоў для жывёлагадоўлі.

Перавагу чамусьці аддалі набыццю 35 тон біякансерванту «Мікрабелсіл» славацкай вытворчасці на суму звыш 13 мільярдаў рублёў.
Гэты факт і прыцягнуў увагу супрацоўнікаў Галоўнага ўпраўлення па барацьбе з арганізаванай злачыннасцю і карупцыяй МУС.

У ходзе «аператыўнага суправаджэння» яны атрымалі звесткі пра тое, што

«Мікрабелсіл», як кансервант замежнай вытворчасці не зарэгістраваны ў Беларусі і ў шмат разоў даражэйшы за айчынныя аналагі.
Паводле высноваў супрацоўнікаў упраўлення па барацьве з арганізаванай злачыннасцю, на закупку беларускіх кансервантаў хапіла б і двух мільярдаў рублёў. Пагадненне з пастаўшчыком славацкага прэпарату не адбылася. Але ў гэтай гісторыі абавязкова павінен быць працяг.
Бо нехта ж на самым высокім узроўні пралабіяваў інтарэсы замежнага вытворцы ў шкоду беларускім прадпрыемствам.

Як растлумачылі ў НАН Беларусі, па валавой колькасці найбольшае распаўсюджанне ў нашых аграрыяў атрымалі вадкія формы кансервантаў. Па-першае, ёсць уласныя вытворчасці — інстытут мікрабіялогіі НАН Беларусі і УП «Віцебская біяфабрыка», якую, дарэчы, учора наведваў кіраўнік краіны. Па-другое, сабекошт нормы вадкага кансерванту на адну тону сіласу складае ўсяго 500–600 рублёў. У Мінскай вобласці наладжаная фасовачная вытворчасць славацкіх кансервантаў, аднак іх сабекошт ў 5–6 разоў вышэйшы за кошт вадкіх беларускіх аналагаў. Тут аператыўнікі абсалютна мелі рацыю. Тым больш што па складзе, як сцвярджаюць беларускія навукоўцы, усе віды кансервантаў практычна ідэнтычныя.

Ёсць у гэтай сельскагаспадарчай гісторыі і яшчэ адна «белая пляма».

Па звестках МУС, славацкі «Мікрабелсіл» у нашай краіне не зарэгістраваны. Аднак у СМІ не раз згадвалася яго шырокае выкарыстанне, напрыклад, у Магілёўскай вобласці, дзе ў 2008 больш за 60 гаспадарак выкарыстоўвалі менавіта гэты біякансервант для нарыхтоўкі кукурузнага сіласу. Гэта значыць, увесь гэты час ён выкарыстоўваўся незаконна?

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Былы вядучы БТ, які звольніўся ў 2020-м і выехаў у Славакію, расказаў, як жыве цяпер

Былы вядучы БТ, які звольніўся ў 2020-м і выехаў у Славакію, расказаў, як жыве цяпер

Усе навіны →
Усе навіны

Брытанія заявіла, што ГРУ задоўга да атручвання Юліі Скрыпаль узламала яе імэйл

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

больш чытаных навін
больш лайканых навін

Былы вядучы БТ, які звольніўся ў 2020-м і выехаў у Славакію, расказаў, як жыве цяпер

Былы вядучы БТ, які звольніўся ў 2020-м і выехаў у Славакію, расказаў, як жыве цяпер

Галоўнае
Усе навіны →

Заўвага:

 

 

 

 

Закрыць Паведаміць