12.07.2010 / 15:04

Дэпутат польскага Cойма: Мы жадаем, каб СПБ быў адзіным і незалежным 3

«Мы жадаем, каб Саюз палякаў у Беларусі быў адзіным і незалежным ад уладаў», —
заявіў у інтэрв’ю БелаПАН член камісіі па замежных справах польскага сейма, дэпутат ад апазіцыйнай партыі «Права і справядлівасць» Тадэвуш Вазняк.

Па яго словах, дэпутаты Сойма заклапочаныя расколам СПБ і «нездаровай» сітуацыяй вакол грамадскага аб’яднання. «Мы жадаем, каб прадстаўнікі Саюза палякаў сабраліся, выбралі сваё кіраўніцтва і дзейнічалі свабодна», — сказаў парламентарый.

Па яго словах, для палякаў каштоўнасці свабоды маюць вялікае значэнне. Як мяркуе Вазняк, у апошнія гады пагоршылася сітуацыя ў адносінах дзвюх краін. У якасці прыкладу ён прывёў адмову беларускіх уладаў ва ўездзе ў Беларусь дэпутату сойма ад кіруючай партыі «Грамадзянская платформа», намесніку парламенцкай камісіі па замежных справах Роберту Тышкевічу, які меў намер прыняць удзел у памінанні воінаў Арміі Краёвай, якія загінулі ў ліпені 1944 года ў Смаргонскім раёне Гродзенскай вобласці. Гэтая цырымонія з удзелам трох польскіх парламентарыяў, у тым ліку і Вазняка, адбылася 11 ліпеня.

«Для палякаў гэта памінанне мае вялікае значэнне, бо мы ўшаноўваем памяць сваіх суайчыннікаў, якія загінулі за Польшчу ў межах 1939 года. Гэтыя людзі змагаліся за сваю радзіму, нічога не ведаючы пра дамоўленасці паміж лідэрамі краін антыфашысцкай кааліцыі аб пасляваенных межах Польшчы», — падкрэсліў Вазняк. Змяненне адносін паміж Польшчай і Беларуссю ён звязвае з пазіцыяй беларускага кіраўніцтва. Раскол у грамадскім аб’яднанні адбыўся ў 2005 годзе. З таго часу ў краіне існуюць два СПБ — афіцыйны, зарэгістраваны Міністэрствам юстыцыі Беларусі, і неафіцыйны, які падтрымліваюць улады Польшчы.

Хочаш падзяліцца важнай інфармацыяй ананімна і канфідэнцыйна?

0
Alies' / Адказаць
12.07.2010 / 22:12
Tamu Pol'shcha i napampowvae hroshy u Pol'skija supolki (kupil 17 damow pad sayuzy), kab jany byli nezalezhnymi?
0
Danik / Адказаць
13.07.2010 / 00:30
Obecnie w Rzeczypospolitej Polskiej mieszkają koło 5 000 000 osób białoruskiego a ponad 10 000 000 osób ukraińskiego pochodzenia. To są osoby których przodkowie siłą różnych okoliczności historycznych zamieszkali w Polsce. W razie źmienienia się warunków na Białorusi a w Ukrainie częstka tych osób chętnie uzna swoje pochodzenie i będzie pracowała na korzyść swych Ojcowizn historycznych.
0
ladzia / Адказаць
13.07.2010 / 01:00
даражэнькаму дэпутату польскага сэйму зычу адзінага - каб ЦАЛАЯ ПОЛЬСКА была нарэшце АДЗІНАЙ І НЕЗАЛЕЖНАЙ . асабліва памятуючы "катынь-2" - крэсавякі толькі ў такіх умовах аўтаматычна далучацца, ды й не ўваходзячы ў супярэчнасці зь беларусікамі . Litwo! Ojczyzna moje!...
Каб пакінуць каментар, калі ласка, актывуйце JavaScript у наладах свайго браўзеру