13.07.2010 / 15:27

Праспект Дзяржынскага ў Мінску прапануецца пераназваць у гонар Вітаўта Вялікага 29

Аргкамітэт па святкаванні 600-годдзя Грунвальдскай перамогі накіраваў зварот у Мінгарвыканкам з просьбай надаць мінскім вуліцы і плошчам гістарычныя назвы.

Вітаўт у Грунвальдзкай бітве (з карціны Я. Матэйкі).

У прыватнасці,

праспекту Дзяржынскага прапануецца надаць імя Вітаўта Вялікага і караля Ягайлы.

А плошчу Мяснікова ці Юбілейную пераназваць у плошчу Грунвальдскай перамогі.

Разам з тым, улады Полацка вядуць абмеркаванне, каб адну з вуліц горада назваць у гонар векапомнай бітвы. А ўжо праз месяц вуліца Грунвальдская павінна з’явіцца ў Лідзе.

***

Вітаўт Вялікі (1350 — 27 кастрычніка 1430) — вялікі князь літоўскі (1392-1430). За Вітаўтам ВКЛ дасягнула найбольшай магутнасьці і памераў: ад Пскоўскай мяжы да Чорнага мора і ад Акі і Курска да Галіцыі. У час пераможнай Грунвальдзкай бітвы 1410 года узначальваў літоўска-беларускія войскі.

КМ

0
Узрэцкі / Адказаць
13.07.2010 / 16:33
Ізноў савецкі шаблон мыслення... Абавязкова ў гонар кагосьці-чагосьці... Трэба так сама помнікі Вітаўту і Каліноўскаму ля кожнага выканкама... пл. Юбілейная - гэта дарэчы гістарычная назва..
0
alex / Адказаць
13.07.2010 / 16:52
2 Узрэцкі напiсаў(ла) Лiпень 13, 2010 у 16:33 а яшчэ - аэрапорты, аўтамабілі, касмічныя караблі і г.д. і нічога савецкага ў гэтым няма. Можна і сонечным і вясёлкавым праспект назваць, калі больш ганарыцца няма чым. дарэчы, Юбілейная - гістарычная назва, але зусім ня нашая.
0
Станкевіч / Адказаць
13.07.2010 / 17:15
Аднолькавага меркаваньня з Узрэцкім. Навошта гэтая помпа? Кірунак прасьпекту выводзіць на Брэст. Назваць яго Берасьцейскім, напрыклад, ці Койданаўскім больш лягічна. Трэба захоўваць гістарычныя назвы альбо назвы даўно дадзеныя людзьмі й даўно звыклыя. Па кірунку таго прасьпекта шмат вёсак пазьнесьлі. Міхалова, Рылаўшчына, Пятроўшчына...Ёсьць адкуль назвы браць. Некалі быў у Менску Брэсцкі вакзал, Брэсцкі кірмаш, потым "станцыя Таварная","інстытут культуры" і т.д. А чым уласна людзкая назва перашкаджала?
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру