13.07.2010 / 15:38

«Хросны бацька» — самы папулярны тэлепраект у Расіі 14

Фільм пабачыла чвэрць расіян.

Рэйтынг скандальнага тэлефільма аказаўся вельмі высокім — яго паглядзелі 25% расійцаў.

Паводле дадзеных кампаніі TNS Расія, з 28 чэрвеня па 4 ліпеня самым папулярным тэлепраектам ў Маскве стала праграма «Вялікая розніца» з рэйтынгам 31%.

Ну, а самым папулярным тэлепраектам ў іншых гарадах краіны стаў скандальны фільм пра Аляксандра Лукашэнку з гаворачай за сябе назвай «Хросны бацька». Як піша аглядальнік Выдавецкага дома «Гасцявая» Арына Барадзіна — амаль 25% тэлевізійнай аўдыторыі Расіі паглядзела гэты фільм на канале НТВ.

Аглядальнік назвала фільм «самым папулярным тэлепраектам».

Гэты фільм паказалі на канале НТВ у разгар нядзельнага вечара, у рамках спецыяльнага выпуску «Надзвычайнае здарэнне. Расследаванні». Ён не быў загадзя аб’яўлены ў праграме. Але тыя, хто прыняў рашэнне яго паказаць, разлічылі ўсё дакладна. Канал НТВ — фармальна недзяржаўны, значыць, здаецца, расейская ўлада не пры чым. Час паказу — каля дзевяці вечара, таксама быў нацэлены на тое, каб як мага больш гледачоў даведаліся пра каварнага бацьку, які раптоўна, з сябра Расеі ператварыўся ў яе найвялікшага ворага. Больш таго, тыя, хто замовіў гэты фільм да паказу на НТВ, выглядаюць раптам нечакана празрэўшымі ў дачыненні асобы і палітыкі Аляксандра Лукашэнкі. Яны смела ідуць далей, не баяцца праводзіць паралелі паміж прэзідэнтам Беларусі і самім Гітлерам.

У Беларусі фільм маглі ўбачыць толькі карыстальнікі спадарожнікавых «талерак» і Інтэрнэту — паказ фільма па кабельных сетках быў перекрыты па загаду ўладаў.

0
Ясь Язьмін / Адказаць
13.07.2010 / 15:48
" Рэйтынг скандальнага тэлефільма аказаўся вельмі высокім – яго паглядзелі 25% расійцаў. " НТВ трэ' было б пускаць гэта кіно запар колькі вечароў, каб праўду пра АРЛа даведаліся б 75, 90, 100 адсоткаў расейцаў! А то 25 – штосьці малавата...
0
svby / Адказаць
13.07.2010 / 16:03
"Гэты фільм паказалі на канале НТВ у разгар нядзельнага вечара,Ён не быў загадзя аб’яўлены ў праграме. " Дык як тады ідыолагі даведаліся, што яго трэба перакрываць?
0
lex / Адказаць
13.07.2010 / 17:10
Наверное все с ЕБН сравнивают. Вот он чудил, так чудил. Но АГЛ до ЕБНа далеко.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру