Гарадзенскія маладафронтаўцы распачалі збор подпісаў супраць выкладаньня прадмету Гісторыя Беларусі на расейскай мове.
“Усё сваё школьнае жыцьцё мы вывучалі нацыянальную Гісторыю на роднай мове, і за ўвесь гэты час ніколі не вялася гутарка пра тое, каб настаўнік выкладаў, а вучні рыхтаваліся да гэтага ўроку па-расейску. Прадмет пра Беларусь – значыць, і займаемся на беларускай мове. А як жа інакш можна распавесьці пра нашу старадаўнюю славутую гісторыю? Перавод навучаньня нацыянальнае гісторыі на расейскую мову выклікае абурэньне сярод большасьці насельніцтва. У знак пратэста супраць гэтага ганебнага рашэньня Міністэртва адукацыі, мы вырашылі распачаць збор подпісаў. Калі гэта не падзейнічае на сытуацыю, мы прыдумаем нешта іншае!!! Але мы ня можам дазволіць сабе спакойна сядзець, калі ўлады нахабна топчуць нашую сьвятыню!!!”-камэнтуе сытуацыю адзін з актывістаў.
