17.07.2010 / 20:29

Звяз з дуляй у кішэні 13

Дуумвіры не любяць беларускага партнёра яшчэ і за тое, што можа вынесці на публіку канфідэнцыйныя размовы. Піша ў сваім блогу на НН Аляксандр Класкоўскі.

На фоне каскаду банальных заяў Лукашэнкі на Гомельшчыне варта вылучыць тое, што ён казаў пра Мытны звяз. Фактычна гэта завуаляваны прысуд. І разам з тым — падсціланне саломкі.

Дуумвіры не любяць беларускага партнёра яшчэ і за тое, што ён можа ў любы момант вынесці на публіку канфідэнцыйныя размовы. Так было і 16 ліпеня, калі адбылася «здача» Мядзведзева: той, маўляў, фактычна пацвердзіў у вузкім коле, што Мытны звяз — страшылка для Захаду, геапалітычная цацка.

«Я задаў шэраг пытанняў, — выклаў беларускі кіраўнік усю праўду пра нейкае закрытае пасяджэнне падрыхтоўчага перыяду. — Вы хочаце стварыць Мытны звяз, каб пужнуць Амерыку ды Захад: калі вы нас у Сусветную гандлёвую арганізацыю не бяраце, і мы тут сваю СГА створым, у піку? Калі так, вы нам скажыце пра гэта, можа, мы ў гэтым вас і падтрымаем. Адказ быў такі: ну, а што тут кепскага, можа і так».

Беларускае начальства нутром чуе, што Расія «кіне» з абяцаным раем у выглядзе Адзінай эканамічнай прасторы, калі, маўляў, шырокай плынню пацячэ да нас бязмытная нафта. Хутчэй пачнуць душыць адзінай валютай і г.д. Аднак жа перад выбарчай кампаніяй ляскаць дзвярыма рызыкоўна.

Таму

абрана звыклая тактыка: дакументы па Мытным звязе Мінск падпісаў, але — з дуляй у кішэні.

Зрэшты, дзеля справядлівасці дадамо, што і партнёры адпаведныя, з падвойным дном. Тут хто каго аб’ягорыць.

Наперадзе — новыя войны. Таму

Лукашэнку, хоць ён яшчэ і вагаецца, выгадней зладзіць выбары ў снежні, да перамоў па энерганосьбітах і непазбежных разборак у межах Мытнага звязу. Каб запусціць кампанію, на 7 верасня намечана нечарговая сесія Палаты.

На выпадак жа, калі Мытны звяз ляснецца, ужо гатова канспіралагічная версія: той альянс нібыта патрэбен Крамлю як сабаку пятая нага. І дуумвіры толькі паціралі б рукі, калі б прэзідэнт Беларусі тыя паперы не падпісаў. 16 ліпеня Лукашэнка даводзіў: маскоўцы, маўляў, наўмысна запусцілі брыдкія фільмы, каб сапсаваць маліну, але ён на правакацыю не павёўся.

Адна хіба: гэта версія цалкам супярэчыць папярэдняй (Крэмль надта ж зацікаўлены ў Мытным звязе як пужалцы для Захаду).

Але разлік на тое, што электрат, заварожаны заклінаннем пра 500 долараў, у такія дробязі не ўедзе.

Аляксандр Класкоўскі

0
Станкевіч / Адказаць
18.07.2010 / 00:04
З дуляй, трыма дулямі, альбо бяз іх, а зьвяз той будзе існаваць датуль, покуль ён будзе патрэбны Маскве. Лукашэнку ніхто не спытае, што й як. Ён прывязаў эканоміку Беларусі да расейскага рынку і цяперака ў яго хадоў няма. Ён цяперака, як у шашаках, сядзець у сартыры, - назад хадоў няма, а наперад пойдзеш толькі па дазволу й пры жаданьні іншага боку, калі ў іншага боку ўзьнікне такая патрэба.
0
aleks_nesterow / Адказаць
18.07.2010 / 00:09
Пытаньне пану Класкоўскаму: якое мейсца надаецца Эўропе ў гэтай карціне па вывядзеньні Беларусі за вуздэчку з расейскага хлева? Ці не падаецца вам, што такая \"аналітыка\" разьлічана як-раз на \"электарат\", які, між іншым, ужо даўно ўва ўсім разабраўся? Запусьціць кампанію... Ужо сам Някляеў пад час он-ляйн конфэрэнцыі на Свабодзе прызнаўся, што ніякая выбарчая кампанія можа і не стартануць: \" Калі вы маеце на ўвазе кандыдата ад апазыцыі на прэзыдэнцкія выбары, дык ён будзе вылучаны пасьля таго, як выбары будуць прызначаныя. Але іх жа можа і не быць. Нацыянальны сход, на які зьбяруцца “лепшыя прадстаўнікі народа”, можа “папрасіць правадыра” выбары не праводзіць. На нейкі час адкласьці… Бо нешта ў Беларусі надзвычайнае, наўкол ворагі – і трэба гуртавацца. Айчыну ратаваць, а не ў дэмакратыю гуляць. Дый грошай на гульню няма. Былі, але “Газпрам” забраў. Так што пакуль я не надта разумею: хто і куды зараз вылучаецца? Ну, калі не ў кандыдаты Нобэлеўскай прэміі... \" © http://www.svaboda.org/discussion/1/162005.html І гэта не адзіная вартая даверу крыніца, зь якой зыходзіла падобная інфармацыя. Пакуль Лукашэнку выбары лепей наагул ня ладзіць. Такая вот аналітыка, пан Класкоўскі.
0
Пятро Касьнерык / Адказаць
18.07.2010 / 08:40
Аляксандр Класкоўскі -- Аднак жа ПЕРАД выбарчай кампаніяй ляскаць дзвярыма рызыкоўна. Пры чым ТУТ выбары. Расію ў СГА ніпрымаюць па палітычных прычынах адна з іх акупацыя тэрытэрыі Грузіі. Рашыў Крэмль паспрабаваць уступіць СГА кагалам і МЕНАВІТА дзеля гэтага прыдумаў мытны саюз. ВЫСВЕТЛІЛАСЯ што і такі варыян не праходзіць. --А што рабіць з мытным саюзам? --Кіно пакажам. Лукашэнка раззлуеца і НЕпадпіша. Праграма \"Время\" паведаміць: Лукашэнка адмовіўся уступаць у МС і гэтым пазбавіў беларускія прадпрыемствы і ГРАМАДЗЯН беларусі найспрыяльнейшых умоў для біснэсу на прасторах Расіі і Казахстана. Во, гад!!!
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру