У Петрыкаўскім раёне падчас купання ў затоне Прыпяці непадалёк ад вёскі Ляскавічы патанула пяцігадовая дзяўчынка, мясцовая жыхарка.
Дзяўчынка прыйшла купацца разам з 33-гадовым сужыцелем маці. Трагедыя адбылася 23 ліпеня.
За мінулыя выхадныя ў Гомельскай вобласці патанулі 10 чалавек. У прыватнасці, у Кармянскім раёне 24 ліпеня ў рацэ Сож патануў 36-гадовы жыхар райцэнтра. Ён спрабаваў выратаваць свайго 14-гадовага сына, які тануў. Падлетка бацька выратаваў, але сам загінуў.
25 ліпеня на Бярэзіне ў Светлагорскім раёне 28-гадовая жыхарка райцэнтра пры ныранні ўдарылася галавой аб пабочны прадмет, страціла прытомнасць і стала тануць. Яе выратавала знаёмая. Пацярпелая была шпіталізавана.
Большасць патанулых у вобласці — мужчыны сярэдніх гадоў.
0
0
0
0
0
0
