29.07.2010 / 14:12

У Хоцімску мужчына проста так збіў школьніка 3

Мужчыну затрымалі, але затым адпусцілі пад падпіску аб нявыездзе.

Хоцімскім РАУС распачата справа па ч. 1 арт. 339 Крымінальнага кодэкса (хуліганства) у дачыненні да 55-гадовага жыхара райцэнтра.

28 ліпеня п'яны мясцовы жыхар па невядомай прычыне ўдарыў у грудзі 13-гадовага хлопчыка, які ехаў на ровары. Ад удару дзіця ўпала, пры гэтым разбіўшы мабільны тэлефон. Прыйшоўшы дахаты, ён расказаў пра здарэнне бацькам, якія па апісаннях самі ўстанавілі асобу хулігана і паведамілі ў міліцыю. Мужчыну затрымалі, але затым адпусцілі пад падпіску аб нявыездзе.

Нагадаем, падобны інцыдэнт, але з трагічнымі наступствамі адбыўся ў Бабруйску ўвечары 3 чэрвеня. 47-гадовы мясцовы жыхар, які знаходзіўся ў стане алкагольнага ап'янення, накінуўся на вучня 10-га класа. Зневажаючы падлетка зламыснік збіў яго, прычыніўшы цяжкія цялесныя пашкоджанні. Школьнік памёр на месцы.

Вячаслаў Будкевіч, БелаПАН

0
В. / Адказаць
29.07.2010 / 14:45
Страна находится в стадии перманентной белой горячки. Нельзя шариковых пускать наверх.
0
Майк Вазоўскі / Адказаць
29.07.2010 / 15:38
Як любіш крыўдзіць дзяцей,дык ідзі працаваць у школу.
0
Лех / Адказаць
29.07.2010 / 18:31
НТВ славіцца ня толькі "Хроснымі бацькамі". Мне вельмі падабаецца таксама кіно "Школа". Гэтая чародаўка паказвае, якія яны насамрэч 13-16-гадовыя дзеткі постсавецкіх гарадоў. Таму вельмі ня верыцца, што тыя спадары ад нечага рабіць накінуліся на падлеткаў. Бо "юноши бледныя с глазами горящими" можа былі недаробкі й быдлосы! Ды школа ня дол, ня здольна іх выправіць. Вось выпадак. Ня так даўно ішоў з малой дачкой па ходніку. Дык добра, што пасьпелі адскачыць у бок: нейкі старэйшакляснік без мазгоў гуляў тут на сваім ровары ў "Формулу 1". На дарозе, маўляў, мамка казала, небясьпечна, а на ходніку магчыма й пашчасьціць ня ўрэзацца ў якога мінака! І крый Бог, што ён не панявечыў маю дачку: біць ці ня біць – пытаньне ня стаяла б! Дык што гэта за істоты кшталту тых падлеткаў, як і чаму іх вучыць школа й жыцьцё? Карацей, глядзіце НТВ у 23:50.
Каб пакінуць каментар, калі ласка, актывуйце JavaScript у наладах свайго браўзеру