29.07.2010 / 14:23

У Гродне можа з'явіцца вуліца Вольгі Корбут 1

Адну з вуліц Гродна плануюць назваць імем Вольгі Корбут.
Пра гэта стала вядома падчас сесіі дэпутатаў гарадскога Савета, паведамляе гродзенскі блог s13. Акрамя таго, паступіла прапанова прысвоіць яе імя гімнастычнаму комплексу, што размешчаны на вуліцы Ажэшкі, дзе займалася спартсменка.

Прыкладна ў жніўні — верасні чакаецца прыезд алімпійскай чэмпіёнкі ў родны горад. Тут ёй уручаць пасведчанне аб прысваенні тытула «Ганаровы грамадзянін» і прэмію ў памеры 20 базавых велічынь.

Нагадаем таксама, што ў канцы чэрвеня гарадская тапанімічная камісія пастанавіла разгледзець пытанне аб з’яўленні ў абласным цэнтры вуліцы імя Васіля Быкава. Аднак прапанова камісіі дагэтуль застаеца без разгляду.

0
Хведзя / Адказаць
29.07.2010 / 14:44
Гнуткая ўзнікне ў прасторы У дасканалым паўколе Здзіўлены свет паўторыць Як сальта імя "Оля!". Данута Бічэль-Тады-Яшчэ-Загнетава Заслугоўвае! Вось толькі як з сусветнай практыкай наракаць вуліцы пасля смерці герояў? Няхай Волечка пажыве!
Каб пакінуць каментар, калі ласка, актывуйце JavaScript у наладах свайго браўзеру