31.07.2010 / 18:08

Заробкі малыя, бо клопат пра народ вялікі 7

Еўрапейскі чыннік міжволі ўлазіць у перадвыбарную рыторыку Лукашэнкі. Піша ў сваім блогу на НН Аляксандр Класкоўскі.

Перад выбарамі ідзе ў ход звыклы папулісцкі інструментарый. Нават адставанне ад еўрапейскіх заробкаў афіцыйны кіраўнік тлумачыць… клопатам пра народ.

«Калі народ хоча атрымліваць паўтары-дзве тысячы долараў заробку, давайце дамо, але за паслугі будзеце плаціць рэальную цану, — заявіў Лукашэнка 31 ліпеня на Нарачы. — Мы можам зрабіць, як у Еўропе, але тады будзеце, як і ў іх, плаціць поўны кошт».

Натуральна, такія заявы робяцца з жалезным разлікам на тое, што просты люд жахнецца і будзе маліць: бацька родны, толькі ж не аддавай на згубу бязлітаснаму капіталізму!

Беларусы сапраўды вялікія патэрналісты. Многія падселі на фальшывы сацпакет. Гэта бачна няўзброеным вокам і пацвярджаецца сацыялогіяй. Лепей казённая сініца ў руцэ, чым ліберальна-рынкавы жораў у небе.

І ў гэтым каласальная праблема для апазіцыйных кандыдатаў. Лозунгі рэформаў, рынкавых пераўтварэнняў не грэюць, а хутчэй натапырваюць паспаліты люд. Спаборнічаць жа з дзейным кіраўніком на папулісцкім полі — тым болей глухі нумар.

Натуральна, дасведчаны адмысловец разаб’е яго рыторыку ў пух як двойчы два. Акурат у Еўропе страхавая медыцына, напрыклад, дазваляе атрымліваць якасныя паслугі практычна ўсім слаям. Еўрапейцы, маючы непараўнальна большыя даходы, могуць танней купляць многія прадукты, адзенне, тэхніку. Прычым тавар болей якасны.

Дый ўвогуле —

за чый кошт фармуецца той бясплатны сацпакет, якім казырае Лукашэнка? У дзяржавы няма іншых грошай акрамя тых, што яна забірае ў нас ці недаплачвае нам. На тых сацпакетах сядзіць плойма чыноўнікаў-пераразмеркавальнікаў, да чыіх рук прыліпае ладная доля дабротаў.

Так што сапраўды лепей даць людзям па дзве тысячы ды скараціць палову апарату. Але ж менавіта пагроза ўсеўладдзю вертыкалі і тармозіць трансфармацыю пераразмеркавальнай беларускай мадэлі.

Адно паказальна: апраўдваць яе ўсё цяжэй. І

еўрапейскі чыннік міжволі ўлазіць у парадак дня Лукашэнкі. Некалі было: я народ за цывілізаваным светам не павяду! Сёння: я вам хоць заўтра зраблю тут Еўропу, але ж вы самі не гатовыя!

«Таму, калі вам гавораць, што ў нас нешта не так, не па-еўрапейску, гэта не са мной звязана — толькі з вамі звязана», — цытуе афіцыйнага кіраўніка interfax.by. Фактычна гэта перадвыбарны дыспут Лукашэнкі з апазіцыяй. І ён мусіць апраўдвацца.

Паўзучая еўрапеізацыя масавай свядомасці чым далей, тым болей будзе падціскаць уладу.

Аляксандр Класкоўскі

0
Кнехт / Адказаць
31.07.2010 / 23:49
Брава, спадар Класкоўскі! Усё правільна прыкмечана і сфармулявана. Тут бы ўсім і закрычаць: "Дай нам па дзьве тысячы еўра ў месяц і вядзі нас хоць у Еўропу, хоць у...". Але ж мы спалохаемся. Ды і навошта нам, падумаўшы, столькі грошай у адныя рукі?! :)
0
Сяржук / Адказаць
01.08.2010 / 00:08
Але ж як засела савецкая прапаганда ў гэтага "самага чэснага". Калісьці ў школе на пытаньне чаму ў нас каляровы тэлевізар каштуе тры месячных заробка (гэта было дзесьці ў 80-х), настаўніца гісторыі (якое супадзеньне з гэтымі гісторыкамі!) адказала: так, гэта каштуе даражэй, бо жыльлё таннае. Было сьмешна, бо не дурні ж былі. І вось гэты баран вырашыў народ папужаць. І чым? Тым, што лепш жыць - гэта кепска? Дурань, але і тыя будуць дурнямі, хто яму паверыць. На які мне трэба, как за мяне вось гэтае, што заўжды ўсплывае, вырашала, як жыць!
0
mikola / Адказаць
01.08.2010 / 10:29
2. zgoden z kamentatarami,zastalos perakanat 'lektarat', adnak u getym vypadku pakul lukaesenka peramagae-dobra zyt-geta oi jak kepska. Brussel-Polska.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру