01.08.2010 / 23:54

Вікторыя Азаранка выйграла тэнісны турнір у амерыканскім Стэнфардзе 3

У фінале яна перамагла Марыю Шарапаву з лікам 6:4, 6:1.

Беларуская тэнісістка Вікторыя Азаранка выйграла тэнісны турнір у Стэнфардзе (Каліфорнія, ЗША) з прызавым фондам 700 тыс. даляраў.

Вечарам 1 жніўня яна ў фінале перамагла расіянку Марыю Шарапаву ў двух сэтах – 6:4, 6:1.

Вікторыя Азаранка падчас матчу з Марыяй Шарапавай, 1 жніўня 2010, daylife.com

Гэта чацверты выйграны Вікторыяй, якой, дарэчы, 31 ліпеня споўніўся 21 год, турнір у адзіночным разрадзе ў турнірах WTA (Жаночай тэніснай асацыяцыі).

Азаранка тры першыя тытулы заваявала ў 2009 годзе: у студзені 2009 г. у аўстралійскім Брысбене, у лютым у Мэмфісе (ЗША), у красавіку 2009 года ў Маямі.

Марыя Шарапава таксама не чужая беларусам. Ейныя бацькі жылі ў Гомелі, а, за год да нараджэння дачкі, у 1986 г. з’ехалі, ратуючыся ад наступстваў Чарнобыльскай катастрофы, у Сібір.

Марыя адчувае сантымент да роднай Гомельшчыны, шчодра спансаруе розныя чарнобыльскія праграмы, выдзяляе ўраджэнцам чарнобыльскіх рэгіёнаў стыпендыі. 30 чэрвеня - 1 ліпеня яна наведала вобласць як пасол Добрай волі ААН.

nn.by

0
сьнежка / Адказаць
02.08.2010 / 01:22
Віншую Вікусю! Яна тварам вельмі падобная да маёй стрэчнай сястры Сьветкі. Але мая сястра не займаецца спортам, а больш дзецьмі! Вельмі праймаўся, калі дзеўка здымалася з турніраў праз траўмы. Спадзяюся, Вікуся пойдзе далей і выйграе адзін з чатырох найважнейшых турніраў. А цяпер наконт "Гомелю" і "спансаруе". Ё такая гомельская жартоўная прыказка: "А за Гомлем людзі ё?", таму "Ейныя бацькі жылі ў Гомлі..." Што да "спансаруе", то або "спансуе" або "фундуе", бо ё такія старыя беларускія словы "фундатар" і "фундаваць".
0
Майк Вазоўскі / Адказаць
02.08.2010 / 12:02
Хутка так будзе і ў футболе з хакеем.Дрыжы,Масква!
0
Госць / Адказаць
03.08.2010 / 03:16
Вiншую Вiкторыю з перамогой!!!
Каб пакінуць каментар, калі ласка, актывуйце JavaScript у наладах свайго браўзеру