Грамадства55

Галоўны нарколаг краіны: кожны жыхар краіны выпівае 50 пляшак гарэлкі ў год

Адной з прычын катастрафічнай дэмаграфічнай сітуацыі ў Беларусі і суседніх краінах старшыня Беларускага грамадскага аб`яднання «Цвярозасць-Аптымаліст» імя Генадзя Шычко Валянцін Талкачоў лічыць алкагалізацыю насельніцтва. Такую думку ён выказаў 5 жніўня на прэс-канферэнцыі ў Мінску.

Ён зазначыў, што здароўе грамадзян і прырост насельніцтва ў паўночных краінах, такіх як Швецыя і Нарвегія, разам з іншымі фактарамі можна патлумачыць цяжкадаступнасцю алкаголю і яго дарагоўляй. «У Швецыі адзін магазін на ўскраіне горада разлічаны на 29 тысяч насельніцтва і бутэлька гарэлкі каштуе 60 еўра, у нас жа ўсё наадварот —

адзін магазін у лёгкадаступным месцы, разлічаны на 200 чалавек, і цана бутэлькі гарэлкі — 7 тысяч рублёў», — сказаў Талкачоў.

Паводле яго слоў, штогод члены аб`яднання праводзяць агітацыйныя велапаходы па Беларусі. «Вось зараз мы праехалі па Мінскай вобласці і ўбачылі, што ў гарачую пару, калі трэба збіраць ураджай, насельніцтва ў асноўным выпівае», — зазначыў ён.

У сваю чаргу галоўны нарколаг міністэрства аховы здароўя Беларусі Аляксей Аляксандраў зазначыў, што па выніках мінулага года ў рэспубліцы было прададзена спіртных напояў у колькасці 12 літраў абсалютнага алкаголю на душу насельніцтва. Пры гэтым ён падкрэсліў, што па выніках паўгоддзя 2010 года спажыванне алкаголю знізілася ў параўнанні з аналагічным леташнім перыядам вельмі нязначна, усяго на 0,4%.

«Інакш кажучы, кожны жыхар Беларусі, ад немаўляці да старога, выпівае 50 бутэлек гарэлкі за год», — сказаў Аляксандраў.

Галоўны нарколаг зазначыў, што нежаданне людзей, якія выпіваюць, прызнаць сябе хворымі на алкагалізм і звярнуцца па дапамогу, цесна звязана з традыцыямі нашага грамадства, калі спажыванне алкаголю — гэта сацыяльная норма.

Кіраўнік цэнтра маніторынгу наркалагічнай сітуацыі ў Беларусі Рэспубліканскага навукова-практычнага цэнтра псіхічнага здароўя Сяргей Восіпчык дадаў, што Сусветная арганізацыя аховы здароўя пры падліку колькасці літраў на душу насельніцтва не ўлічвае дзяцей да 15 гадоў, затое ўлічвае долю спажыванага нелегальнага алкаголю. «З улікам гэтых двух паказчыкаў узровень спажывання алкаголю на душу насельніцтва ў нашай краіне наблізіцца да 18–20 літраў», — заявіў ён.

Ён таксама дадаў, што ў маі на 63-й сесіі Генеральнай асамблеі СААЗ была прынятая глабальная стратэгія, сутнасць якой заключаецца ў правядзенні розных мерапрыемстваў, якія б садзейнічалі зніжэнню шкоды ад злоўжывання алкаголем.

Каментары5

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Усе навіны →
Усе навіны

Цэны на шакалад здзіўляюць12

Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага29

Музыканты выдаляюць сваю музыку са Spotify, бо ён спансаруе кампанію, якая вырабляе тысячы дронаў для Украіны26

«Гэта своеасаблівае партнёрства». Трамп заключыў здзелку, па якой краіны Еўропы абавязаны плаціць тарыф 15%8

У Германіі сышоў з рэек пасажырскі цягнік. Ёсць загінулыя1

Праз Сонечную сістэму ляціць аб'ект, паводзіны якога нагадваюць кіраваны касмічны карабель18

Расійскі дрон атакаваў рэйсавы аўтобус у Сумскай вобласці. Ёсць ахвяры3

У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога4

Фларэнцыю назвалі найлепшым горадам Еўропы для турызму2

больш чытаных навін
больш лайканых навін

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Галоўнае
Усе навіны →

Заўвага:

 

 

 

 

Закрыць Паведаміць