12.08.2010 / 13:14

Аб'ём транзіту па тэрыторыі Беларусі перасягнуў дакрызісны ўзровень 1

Аб’ём транзіту па тэрыторыі Беларусі перасягнуў дакрызісны ўзровень. Аб гэтым сёння паведаміў журналістам намеснік старшыні Дзяржаўнага мытнага камітэта Беларусі Леанід Досаў.

«Сёння ў нас максімальныя параметры па транзіту за апошнія 15–20 гадоў. У параўнанні з 2008 годам мы выйшлі па ўсіх паказчыках транзіту па тэрыторыі Беларусі на максімальны дакрызісны ўзровень і нават крыху перавысілі яго»,
— паведаміў Леанід Досаў. Ён таксама адзначыў, што павелічэнню транзіту садзейнічае добра развітая мытная інфраструктура па ўсёй граніцы, хуткае мытнае афармленне і правільная лагістыка.

«Да крызісу транспарт часам насуперак логіцы рухаўся ў абыход Беларусі. Сёння гэтага няма. Самая блізкая адлегласць ад Заходняй Еўропы ў цэнтр Расіі — праз Беларусь. І мы лічым, што ў нас ёсць усе магчымасці па павелічэнню транзіту перавозак», — падкрэсліў намеснік старшыні ДМК.

0
Віхайстэр / Адказаць
12.08.2010 / 14:55
Я ўсё разумею - гурковы сезон, спёка, адсутнасць нармальнай інфы. Але навошта перадрукоўваць з БЕЛТЫ (!) прапагандысцкую агітку без аніводнай лічбы ці пацверджання фактаў, пра якія ў ёй гаворацца? НН=БЕЛТА? Спадзяюся, што не.
Каб пакінуць каментар, калі ласка, актывуйце JavaScript у наладах свайго браўзеру