12.08.2010 / 14:54

Лукашэнка: Беларускія дактары выйшлі на сусветны ўзровень 8

Беларускія дактары выйшлі на сусветны ўзровень. Аб гэтым заявіў кіраўнік дзяржавы Аляксандр Лукашэнка сёння ў час уручэння дзяржузнагарод грамадзянам Беларусі.

«Можна з упэўненасцю сёння сказаць: беларускія дактары выйшлі на сусветны ўзровень. У гэты дзень хачу выказаць асаблівую ўдзячнасць людзям самай высакароднай прафесіі за заслугі перад народам Беларусі і нацэліць іх на новыя, больш высокія рубяжы», — сказаў Аляксандр Лукашэнка, звяртаючыся да работнікаў сістэмы аховы здароўя.

Паводле слоў кіраўніка дзяржавы, перад беларускай сістэмай аховы здароўя ставяцца няпростыя задачы. Сярод іх — праграма імпартазамяшчэння лекавых прэпаратаў, павелічэнне працягласці жыцця насельніцтва, барацьба з цяжкімі і хранічнымі захворваннямі, аснашчэнне медыцынскіх устаноў сучасным абсталяваннем, удасканаленне санаторна-курортнага абслугоўвання людзей. «Многія праблемы патрабуюць неадкладнага вырашэння. Павінны быць асвоены новыя тэхналогіі, прагрэсіўныя падыходы і найбольш эфектыўныя метады прафілактыкі і лячэння», — адзначыў Лукашэнка.

0
Асьвяяк / Адказаць
12.08.2010 / 15:37
Неадкладнага вырашэння патрабуе праблема нізкага заробку, вялікай загружанасці і адносін да дактароў і бюджэтнікаў наогул з боку дзяржавы. Гэта першасная і самая галоўная праблема. Пакуль яна не вырашыцца, ўсё іншае працаваць не будзе.
0
Кнехт / Адказаць
12.08.2010 / 19:00
Ад рэжыма - гематомы ў маладых і метастазы ў пажылых. Анкалагічныя захворванні выраслі ў разы. Беларускія дактары-хірургі рэжуць, рэжуць і рэжуць. Беларускія далакопы закопваюць, закопваюць і закопваюць. Канвеер смерці не спыняецца ні на хвіліну.
0
дзівак / Адказаць
12.08.2010 / 20:37
Вось хто, а нашы дактары заўсёды былі на сусьветным узроўні. Было й застаецца ніжэй калена доктараўскае кіраўніцтва, ды й чаго чакаць, нават у будучыні, ад людзей, якія зьбіраюцца кіраваць медыцынай набраўшы 160 балаў разам з атэстатам - глядзі на сайце мед. універсітэта вынікі залічэньняў. - відавочна не Эўрапейскага ці сусьветнага ўзроўню. Пра сістэму прызначэньняў на вышэйшыя пасады з галоўурачамі ўключна й гаварыць ня хочацца, там сабралі эліту суьветнага ўзроўню толькі ў адваротным сэнсе.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру