13.08.2010 / 10:06

Лукашэнка абурыўся станам беларускіх дарог 4

"Мяне як кіроўцу і ў мінулым, і сёння часам абурае тое, як працуюць некаторыя дарожнікі", — заявіў Аляксандр Лукашэнка
12 жніўня на цырымоніі ўручэння дзяржаўных узнагарод грамадзянам краіны, паведаміла прэс-служба прэзідэнта.

"Калі ёсць жорсткі кантроль з боку кіраўніка дзяржавы, вы робіце не горш за лепшыя сусветныя стандарты. Але абурэнне нашых кіроўцаў выклікае тое, што як дарожнікі пайшлі — на дарогах лужыны. Вы спасылаецеся на клімат, але Фінляндыя, Швецыя жывуць у яшчэ больш складаных кліматычных умовах", — сказаў беларускі кіраўнік.

Звяртаючыся да будаўнікоў, ён падкрэсліў, што масты і дарогі — твар краіны, і, нягледзячы на пэўныя поспехі, трэба будзе яшчэ нямала зрабіць.

Лукашэнка нагадаў пра сваё рашэнне ў наступнай пяцігодцы пабудаваць новыя магістралі, якія звяжуць сталіцу з абласнымі цэнтрамі. "І вось тут трэба будаваць ідэальна", — заявіў ён.

0
Станкевіч / Адказаць
13.08.2010 / 10:18
"І вось тут трэба будаваць ідэальна", — заявіў ён. ++++++++++++++++++++++++++++++++++++++++++++++++++++++ Такім чынам, ён дапускае, што нейдзе ў іншым мейсцы йдэальна можна й не будаваць, толькі вось ТУТ, дзе ён езьдзіць і дзе будзе кантраляваць... Я памятаю, як у Глыбокім павылізвалі дарогі, адрамантавалі ходнікі, пераезды праз чыгунку, чакаючы на ягоны візыт. А ў Шаркаўшчыне нічога не мяналі, а ў Докшыцах таксама нічога не мянялі. Тамака толькі цяперака пабудавалі болей-меней годны аўтавакзал, дзе хаця б прыбіральні з`явіліся. А ў Плешчаніцах дасюль пасажыры аўтобусаў бегаюць па-патрэбе да бліжэйшага плоту, а рукі потым мыюць у лужынах. І я разам з усімі бегаў...куды ж дзецца.;))
0
Міхаліна / Адказаць
13.08.2010 / 10:42
Пайшла танная перадвыбарчая папса - на большае ён ніколі ня быў здольны.
0
Iгар / Адказаць
13.08.2010 / 11:43
Мiхалiна, пожалуй, абсолютно права.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру