13.08.2010 / 11:16

Украінскі пісьменнік Андруховіч: «Нас акупавалі знутры» 11

Артыкул Юрыя Андруховіча ў Frankfurter Allgemeine Zeitung.

Ва Украіне час павярнуў назад: усяго праз 6 месяцаў пасля прэзідэнцкіх выбараў ад дэмакратычнага прарыву ў краіне не засталося і следу.
Украінскі паэт, празаік, перакладчык, эсэіст Юры Андруховіч кажа аб «унутранай акупацыі» сваёй краіны і звяртаецца з заклікам да Еўропы. Яго артыкул публікуе Frankfurter Allgemeine Zeitung.

«Сённяшняя Украіна ўяўляе сабой змястоўнае навучальны дапаможнік на тэму «Нетрываласць дэмакратыі, або Як нас зноў вядуць да дыктатуры», — піша Андруховіч.

Як адзначае віцэ-прэзідэнт Асацыяцыі украінскіх пісьменнікаў, сёння ў краіне гаворка ідзе пра рэванш. Чалавек, які ўвасабляе сабой «абразу 2004 году», наталяецца помстай у поўнай меры. З прычыны, што Януковіч набраў у другім туры ўсяго 49% галасоў выбаршчыкаў, «наіўным» украінцам, як называе пісьменнік свой народ і сябе самога, здавалася, што новы прэзідэнт будзе гэтак жа няздольны ўвасабляць рашэнні ў жыццё, як і яго папярэднік.

Аднак на справе аказалася, што Канстытуцыя — не такая ўжо недатыкальная, а вызначальным фактарам для рэалізацыі рашэнняў з’яўляецца колькасць «сваіх» суддзяў у Канстытуцыйным судзе.

«Ужо да сярэдзіны сакавіка новаабраны прэзідэнт нечакана засяродзіў у руках усю ўладу і развярнуў краіну на 180 градусаў, — працягвае аўтар. — Сёння ён мае большасць у парламенце, неабходную яму для рэалізацыі загадаў і ігнаравання апазіцыі». У якасці прыкладу пісьменнік прыводзіць начное галасаванне аб асновах замежнай палітыкі. З 420 прапановаў апазіцыі ніводнае не было ўлічанае.

Пры гэтым Канстытуцыйны суд — не адзіная падкантрольная прэзідэнту інстанцыя. «Мне не вядома ніводнага больш-менш свежага выпадку, калі якое-небудзь судовае рашэнне было б прынятае на карысць апазіцыі», — адзначае Юры Андруховіч.

Украінцы адвыклі ад таго, што мірныя дэманстрацыі разганяюць сілай праз тое, што людзі нясуць «не тыя сцягі і лозунгі». «Але больш за ўсё здзіўляе нават не маланкавая ўзурпацыя ўлады, а імклівае вяртанне страху», —
піша аўтар, дадаючы, што больш за ўсё ён баіцца, што на змену страху прыйдзе апатыя. Дзе тая Украіна, што грукала ў дзверы Еўропы і на якую ўскладаліся надзеі, задаецца ён пытаннем.
Усё часцей цяпер можна пачуць пра «прафілактычныя гутаркі» з журналістамі і прадстаўнікамі грамадскасці, пра ненавязлівыя — пакуль — спробы вербавання і запалохвання, а таксама пра «спісы лаяльных».
Так ці інакш, заўважае пісьменнік, можна назіраць ператварэнне Службы бяспекі Украіны ў палітычнага цэрбера, а дзяржавы — у паліцэйскі рэжым. «Мы вярнуліся ў мінулае, часам узнікае адчуванне, што за акном зноў 1970-я гады».

І нічога новага ў гэтым няма, упэўнены аўтар. Штосьці падобнае можна назіраць у пуцінскай Расіі — невыпадкова Віктар Януковіч ужо загаварыў аб «суверэннай украінскай дэмакратыі», у якой Партыі рэгіёнаў адводзіцца роля мясцовага варыянту «Адзінай Расіі».

«Адно незразумела: навошта рэжыму Януковіча патрэбная Еўропа?
Навошта ўсе гэтыя гульні ў інтэграцыю і нязменная еўрарыторыка? Ці ж гаворка ідзе аб узаемадзеянні з банкамі, пра звыклы адпачынак на Сардыніі, у Монтэ-Карла або ў французскіх Альпах?» — працягвае аўтар. У сувязі з гэтым пісьменнік звяртаецца да еўрапейскіх палітыкаў з заклікам не спускаць вачэй з яго краіны, бо «ўкраінскім уладам яшчэ важна тое, што вы пра іх думаеце».

Ва Украіне ўжо з’явіўся новы тэрмін — «унутраная акупацыя». «Нас акупавалі знутры з дапамогай прэзідэнцкіх выбараў і парламенцкіх махінацый. Наша будучыня бачыцца мне ў бязрадасных фарбах», — піша аўтар, не страчваючы пры гэтым надзеі. «Проста не можа быць, каб такая анахранічная сістэма, якая выйшла са спадчыны Сталіна, перамагла ў працяглай гістарычнай перспектыве. Уся мая надзея грунтуецца на гэтым небясспрэчным перакананні. Або на тым, што ад яго яшчэ застаецца сёння».

Амерыканскія арганізацыі раскрытыкавалі Януковіча

Найбліжэйшымі днямі International Republican Institute і National Democratic Institute — арганізацыі, якія прадстаўляюць асноўныя палітычныя партыі ЗША, распаўсюдзяць сумесную заяву з крытыкай у адрас прэзідэнта Украіны Януковіча. Арганізацыі маюць намер папракнуць украінскага лідэра ў згортванні дэмакратыі, дасягнутай пасля «памаранчавай рэвалюцыі».

У тэксце заявы галоўная ўвага надаецца закону аб выбарах, падпісанаму Януковічам 27 ліпеня. «Гэты закон несправядліва змяншае шанцы апазіцыйных партый на перамогу на найбліжэйшых выбарах у абласныя заканадаўчыя органы, прызначаныя на 31 кастрычніка», — гаворыцца ў заяве. Закон забараняе ўдзел у выбарах выбарчых блокаў і партый, зарэгістраваных менш за год таму. Абмежаванні «выглядаюць нерацыянальнымі, зважаючы на прынцыпы, устаноўленыя Канстытуцыяй Украіны, а таксама міжнароднымі абавязальніцтвамі, якія ўзяла на сябе Украіна», — гаворыцца ў дакуменце.

0
датклівец / Адказаць
13.08.2010 / 12:03
Ласкава запрашаем у нашу сям'ю.
0
Альховік Мікалай / Адказаць
13.08.2010 / 15:19
Навошта такая нацыянальная дэмакратыя, што прыводзіць да ўлады праціўнікаў дэмакратыі і нацыянальнай дзяржавы. Ідэалы памаранчавай рэвалюцыі былі збэшчаны роўна праз паўгоду пасьля яе пачатку. Памаранчавыя занепакоіліся аб сваім адзінстве і абяцаньнях насельніцтву толькі перад выбарамі. На ўкраінскіх сайтах ёсьць інфармацыя, зь якой мы можам пачарпнуць наступнае: 1) у радох украінскай апазыцыі адсутнічае адзінства, толькі нешматлікія суполкі спрабуюць арганізаваць нейкія камітэты абароны; 2) украінская ўлада дзейнічае з нацэленасьцю на доўгатэрміновае знаходжаньне ва ўладзе; 3) украінская ўлада мае магчымасьць запазычыць у суседзяў апісаньне ўсіх неабходных мерапрыестваў у палітычнай ды нацыянальна-культурнай галінах. Для прыкрыцьця русіфікацыі ва Ўкраіне будзе дзейнічаць ня дзьвюхмоўе, а р э г і я н а л ь н а е ш м а т м о ў е, калі кожны рэгіён самастойна абірае другую мову. Дарэчы, Вярхоўная Рада Крыму перайменавала сябе ў Вярхоўны Савет (!!!) ды заявіла пра справавоцтва на самі-ведаеце-якой мове. У Крыме ідзе наступ на суполкі татараў. Думаю, НН варта трохі шырэй асьвятляць украінскую тэматыку.
0
Tatiana / Адказаць
13.08.2010 / 16:16
Найбліжэйшымі днямі International Republican Institute і National Democratic Institute — арганізацыі, якія прадстаўляюць асноўныя палітычныя партыі ЗША, распаўсюдзяць сумесную заяву з крытыкай у адрас прэзідэнта Украіны Януковіча. Арганізацыі маюць намер папракнуць украінскага лідэра ў згортванні дэмакратыі, дасягнутай пасля «памаранчавай рэвалюцыі». Выборы состоялись честно но то что в стране нет демократических ценностей и поэтому на честных выборах к власти могут приходить гангстеры - это понятно и это болезнь всех стран которые идут от пост советской системы в гангстерскую систему через честные и не честные выборы. Для того чтобы не пускать гангстеров к власти должно быть образовано и сильно гражданское общество и должна существовать идеология страны. А какая идеология в Украние- украл выпил в тюрьму Разве это демократия? Разве бизнес играет по каким то правилам на Украине или хоти когда то играл? Все тоже самое и разговоры про демократию и революцию - сильно надуманы - нет и небыло на Украине никакой демократии а была и есть анархия мать порядка. Если Янукевич анархию уберет - то это будет только пользой для всех, не смотря на то что он - гангстер. Такое мое мнение.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру