13.08.2010 / 15:35

Беларусь атрымае 7 мільёнаў тон збожжа замест прагназаваных 9 3

Аб гэтым сёння Лукашэнку заявіў міністр сельскай гаспадаркі і харчавання Міхаіл Русы.

Беларусь плянуе сёлета сабраць каля 7 мільёнаў тон збожжа ў сьвірнавай вазе і каля мільёна тон збожжа кукурузы, заявіў кіраўніку краіны Аляксандру Лукашэнку міністар сельскай гаспадаркі і харчаваньня Міхаіл Русы.

«Хлеб ва ўсіх катэгорыях гаспадарак мы атрымаем 7 мільёнаў тон у сьвірнавай вазе «,- адзначыў міністар.

На што А. Лукашэнка сказаў: «А абяцаў 9 мільёнаў тон. Вось твой пачатак працы».

М. Русы запэўніў, што ў наступным годзе сельгасарганізацыі краіны выйдуць на заплянаваныя паказчыкі.

Падчас рабочай паездкі кіраўніка краіны ў Гомельскую вобласьць у ліпені гэтага года М.Русы запэўніў яго, што сёлета заплянаваны 9-мільённы ўраджай без уліку кукурузы. Напярэададні візыту А.Лукашэнкі ў Менскую вобласьць старшыня Менаблвыканкаму Барыс Батура папярэдзіў пра «самыя жорсткія захады» адносна службовых асобаў, якія дапушчаюць прыпіскі. Ён адзначыў, што ў Менскай вобласьці распаўсюджаная сыстэма прыпісак у сельскай гаспадарцы і з гэтым трэба змагацца.

0
asar / Адказаць
13.08.2010 / 19:42
Лось Уладзимир прагназавау больш 10 млн. .....Лукашэнка абяцау 9 млн. .....Михаил Русы плануе 7 млн. ----------------------------------------- ЛОСЬ ЦИ ЛУКАШЭНКА?
0
Jeż Jerzy / Адказаць
13.08.2010 / 21:28
Мабыць першы міністр сельскай гаспадаркі які не стаў рабіць прыпіскі і сказаў праўду.
0
Андрей / Адказаць
13.08.2010 / 22:46
За вычетом приписок получится 5-6 =)
Каб пакінуць каментар, калі ласка, актывуйце JavaScript у наладах свайго браўзеру