13.08.2010 / 17:17

Магілёўская міліцыя канфіскоўвае бланкі падпісных лістоў Някляева 12

13 жніўня ў Магілёве затрыманы каардынатар кампаніі «Гавары праўду!» па Магілёўскай вобласці Ігар Каваленка.

Актывіста затрымалі каля 13.00 на выездзе з Магілёва, калі ён ехаў у таксі з сям’ёй на адпачынак. Супрацоўнікаў міліцыі зацікавіла наяўнасць у яго чыстых бланкаў падпісных лістоў за вылучэнне дэлегатам на Усебеларускі сход вядомага паэта Уладзіміра Някляева.

«У таксі знаходзіліся нашы асабістыя рэчы, а таксама чыстыя бланкі падпісных лістоў за вылучэнне Уладзіміра Някляева дэлегатам на Усебеларускі сход, якія я збіраўся спаліць. Нас дагналі дзве патрульныя машыны ДАІ з уключанымі мігалкамі», — расказаў Ігар Каваленка.

Ён паведаміў таксама, што на месца затрымання прыехала опергрупа з Кастрычніцкага РАУС Магілёва. Пустыя падпісныя лісты былі сфатаграфаваныя і забраныя. Складзены пратакол. Пасля гэтага актывіст быў адпушчаны.

Паводле слоў Каваленкі, з размоў з супрацоўнікамі міліцыі ён зразумеў, што забранне падобных пустых падпісных лістоў у цяперашні час праходзіць па ўсёй Магілёўскай вобласці, паколькі паступіла адпаведная каманда з КДБ.

0
Паляунiчы / Адказаць
13.08.2010 / 17:33
Цiкава, навошта трэба было вывозiць чыстыя бланкi, каб iх спалiць? Чаму нельга было iх проста у сьметнiцу выкинуць? Цi я чагось не разумею?
0
Крывіч / Адказаць
13.08.2010 / 18:14
Такімі акцыямі паліттэхнолагі спрабуюць надаць выгляд апазыцыйнасьці. Не выключаю, што яшчэ будуць стрэлы пад лёзнам.
0
Алесь* / Адказаць
13.08.2010 / 20:30
Беларуская міліцыя розумам ніколі не адрознівалася! Паглядзім, што яны скажуць, калі "Гавары праўду!" перададуць 20000 подпісаў за Някляева! А яны - перададуць! :)
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру