23.08.2010 / 15:10

У Брэсцкай вобласці за выходныя затрымалі 64 п'яных кіроўцаў 1

За мінулыя суткі, 22 жніўня, у Брэсцкай вобласці выяўлена рэкордная колькасць вадзіцеляў, які я кіравалі транспартным сродкам у стане алкагольнага ап’янення, — 64 чалавекі.

Як паведаміла начальнік аддзялення па агітацыі і прапагандзе ДАІ УУС Брэсцкага аблвыканкама Наталля Сахарчук, больш за ўсё п’яных вадзіцеляў было выяўлена ў гэты дзень у Брэсце (12), Баранавічах (шэсць) і Кобрыне (пяць). Усе 64 вадзіцелі — мужчыны ва ўзросце ад 30 да 50 гадоў.

«Колькасць затрыманых нецвярозых вадзіцеляў традыцыйна ўзрастае ў рэгіёне ў суботу і нядзелю, — зазначыла Сахарчук. — У сярэднім за адзін з выхадных дзён ДАІ выяўляе ад 35 да 45 такіх выпадкаў. За мінулую нядзелю выяўлены іх значны рост, таму мы маем намер актывізаваць прафілактычную працу з вадзіцелямі і правесці мэтанакіраваныя акцыі».

З пачатку 2010 года на дарогах Брэсцкай вобласці за кіраванне транспартным сродкам у п’яным выглядзе было затрымана 6.110 вадзіцеляў (на 263 менш за аналагічны перыяд 2009-га).

Нецвярозымі вадзіцелямі ўчынена 66 ДТЗ, што на 30 менш у параўнанні з такім жа перыядам 2009 года.

0
Iгар / Адказаць
23.08.2010 / 15:19
пьяный за рулём- это огромное претупление в цивилизованом мире! дай бог милиции на ЭТОМ поприще огромных успехов!
Каб пакінуць каментар, калі ласка, актывуйце JavaScript у наладах свайго браўзеру