Дашкевіч сядзіць у камэры з хворымі на сухоты, гепатыт і СНІД
“У прынцыпе тут можна нармальна пачытаць хоць кнігаў, бо носісься на волі, носісься — а вынік? Во, краты, параша, тубэркулёзьнікі, гепатытнікі і, нават, з адным сьпідозьнікам сядзеў. Прычым нармальны хлопец. Мусарам сам сказаў, што ВІЧ-інфэкаваны, а яго — у агульную хату. Хоць тут найстрашнейшыя тубэркулёз і гепатыт, якія амаль усе маюць.
А так усё добра. Бывае, надыходзіць пэсымізм, бо нешта з фронту там ня вельмі навіны. Калі можаш там, паўплывай на каго, каб жылі ў міры і любові.
Аддалі мне Бібліі, спаслаўшыся на тое, што яны не маглі разабраць почырк (твой:). А разам зь Бібліямі — мой зварот да кіраўніка СІЗА з папярэджаньнем аб галадоўцы. Карацей, давядзецца есьці.
Хацеў таксама папрасіць не перадаваць у пятніцу й суботу перадачак, бо пост у мяне, а кабан тут уходзіць за суткі :). Ну, такія правілы гульні”.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары