Да галадоўкі-посту дыстанцыйна далучыліся яшчэ 27 чалавек, а таксама новыя гарады: Мазыр, Жодзіна, Дзяржынск, Стоўпцы.

Сёньня ўвечары ў будынку царквы «Новае жыцьцё» прайшло набажэнства, у якім удзельнічалі каля 500 чалавек.

Паводле словаў галадоўнікаў, падтрымка вельмі моцная, і гэта надае ім сілаў.

Некаторыя з жанчынаў, што трымаюць строгі пост з самага пачатку, скардзяцца на слабасьць.

Дасягнутая дамоўленасьць, каб штовечар прыходзіў доктар і рабіў агляд усіх галадоўнікаў.