У чацвер вечарам адбыліся матчы ў адказ раўндуплэй-оф Лігі Еўропы. Да гэтай стадыі спаборніцтваў дабраліся аж тры беларускія каманды (упершыню ў гісторыі). Праўда, далей прабіцца змог толькі БАТЭ.
Вось і не скажаш, што барысаўцам вельмі пашанцавала з лёсаванне. Партугальскі «Марыціму» — гэта вам не валійскі ці фінскі клуб. Тым не менш, беларусы не прымусілі хвалявацца балельшчыкаў за канчатковы вынік.
Тыдзень таму дома каманда Віктара Ганчарэнкі перамагла клуб з выспы Мадэйра з буйным лікам 3:0. У гасцях БАТЭ таксама перамог, хоць і не так пераканаўча.
У другім тайме гол забіў Аляксандр Паўлаў. Мінімальная перавага беларусаў заставалася да сканчэння асноўнага часу гульні. А ўжо ў кампенсаваны Кану лік зраўняў.
Нічыя таксама добры вынік, але не для БАТЭ. Резеріст Максім Скавыш вырваў перамогу — 2:1.
Барысаўская каманда трэці год запар прабіваецца ў групавы этап эўракубкаў.
У мінскага «Дынама» пасля мінімальнага пройгрышу ад «Бруге» (1:2) шанцы былі някепскім. Зрэшты, растварыліся яны яшчэ ў першым тайме, калі госці забілі ажно тры мячы.
У другой палове гульні намаганнямі Чухлея і Драгуна лік атрымалася звесці да прыстойнага. Тым не менш, «Дынама» саступіла — 2:3.
Для магілёўскага «Дняпра» гульня з «Вільярэалам» была фармальнасцю пасля гасцявога разгрому (0:5). Але чаму б не перамагчы такога масцітага суперніка!
На жаль, не атрымалася. Хоць Уладзімір Юрчанка і забіў першым. Больш дасведчаныя іспанцы змаглі вырваць перамогую Прычым, абодва галы яны забівалі ў кампенсаваны час — 1:2. «Дняпру» проста не хапіла досведу. Тым не менш, яго выступ можна лічыць паспяховым.
Сваіх супернікаў па групавым этапе Лігі Еўропы БАТЭ даведаецца ў пятніцу.
