Фундацыя «Беларуская ініцыятыва» ладзіць у Варшаве сустрэчу са старшынёю Рады Беларускай Народнай Рэспублікі Івонкай Сурвіллай ды дзеячом беларускай дыяспары ў ЗША колішнім рэдактарам Радыё Свабода Вячкам Станкевічам. Мадэратарам сустрэчы будзе былы амбасадар Польшчы ў Менску Марыюш Машкевіч.
Інфармацыйная падтрымка – Беларуская служба Радыё Палёнія.
Сустрэча распачнецца а 18.00 у залі нумар 130 Вышэйшай школы гандлю й права ім.Рышарда Лазарскага (ul. Świeradowska 43, st. metra Wilanowska).
Івонка Сурвілла нарадзілася ў 1936 годзе ў Стоўпцах. З 1944 году – на эміграцыі. Жыла ў Францыі‚ Даніі‚ Гішпаніі. Цяпер жыве ў Канадзе. Мае дзьвюх дачок.
Скончыла вышэйшую Мастацкую Школу ў Парыжы‚ пазьней – лінгвістычнае аддзяленьне Сарбонскага Ўнівэрсытэту (1959).
Акрамя роднае мовы‚ валодае яшчэ васьмю: францускай‚ гішпанскай‚ ангельскай‚ нямецкай‚ дацкай‚ лацінскай‚ нарвэскай‚ польскай.
З 1997 г. Івонка Сурвілла – старшыня Рады БНР у выгнаньні.
Больш падрабязна пра дзейнасьць БНР на афіцыйнай бачыне www.radabnr.org.
