Завяршылася расьсьледаваньне справы актывіста «Гавары праўду» Міхася Башуры, якога арыштавалі ў пачатку жніўня і абвінавацілі ў падробцы дакумэнтаў.
Сьледзтва па справе Міхася Башуры цягам амаль месяца вяла дазнавальніца Савецкага РАУС Менску Вераніка Абзалімава. 3 верасьня міліцыянтка Абзалімава наведала Башуру ў Жодзінскім сьледчым ізалятары і азнаёміла з крымінальнай справай супраць яго. Нагадаем, актывіста кампаніі «Гавары праўду» Міхася Башуру арыштавалі 6 жніўня паводле падазрэньня ў падробцы даведкі аб прыбытках для атрыманьня крэдыту. Сёньня падчас азнаямленьня са справай прысутнічала адвакат Тамара Сідарэнка. Адвакат кажа, што ў канчатковым выглядзе абвінавачаньне не зьмянілася.
«Нічога не мянялася. Вось якНічога не мянялі, не пыталіся, што было, тое і засталося. І ягоная пазыцыя засталася, як і раней: ён кажа, што памыліўся. Што падлічваў, але ён не бухгальтар, вось і памыліўся і ўнёс у даведку недакладныя зьвесткі».16-га жніўня яму выставілі абвінавачаньне па другой частцы380-га артыкулу Крымінальнага кодэксу, гэтак усё і засталося.
Дазнавальніца Вераніка Абзалімава ад камэнтару адмаўляецца. Паводле адваката Тамары Сідарэнкі, у панядзелак
«А ў суд пракуратура ўжо праз 5 дзён можа накіраваць справу, калі згодная з абвінавачаньнем. Што звычайна і здараецца».
Паводле Тамары Сідарэнкі, Міхась Башура ня скардзіўся на ўмовы ўтрыманьня ў Жодзінскім сьледчым ізалятары, хаця і казаў, што харчаваньне там дрэннае, і трымаюцца вязьні за кошт перадачаў з волі. Вядома, што актывіст кампаніі «Гавары праўду» Міхась Башура піша вершы, з друку хутка выйдзе ягоны зборнік паэзіі. Ці пішацца Міхасю Башуру за кратамі, спытаў я ў адваката.
Там пісаць вершы ўсё ж ня вельмі зручна, як бы ён мужна не трымаўся.
«Пакуль, казаў, не, але магчыма нешта і напішацца. Канешне, там пісаць вершы ўсё ж ня вельмі зручна, як бы ён мужна не трымаўся».
Адвакат Тамара Сідарэнка адразу пасьля азнаямленьня яе падаабароннага са справай падала сьледзтву хадайніцтва аб зьмене меры стрыманьня на падпіску аб нявыезьдзе. Хадайніцтва будзе разгледжанае цягам некалькіх дзён. Ранейшыя спробы адваката абскардзіць пастанову аб утрыманьні Башуры пад вартай выніку ня далі. Таксама адвакат хадайнічала аб закрыцьці справы наогул, паколькі лічыць Міхася Башуру невінаватым. І гэта ня першае аналягічнае хадайніцтва — ранейшыя таксама не задавальняліся.
У кампаніі «Гавары праўду», каардынатарам якой зьяўляецца Міхась Башура, кажуць пра перасьлед свайго актывіста з палітычных прычын.
У траўні ў офісе кампаніі «Гавары праўду», а таксама ў кватэрах некалькіх дзесяткаў актывістаў па ўсёй краіне прайшлі ператрусы. Тады былі канфіскаваныя кампутары, офісная оргтэхніка і асабістыя грошы некаторых актывістаў, а офіс кампаніі апячатаны. Кампутары і сродкі дагэтуль не вярнулі. Таксама цягам трох дзён былі пад арыштам лідэр кампаніі Уладзімер Някляеў і актывісты Сяргей Вазьняк і Андрэй Дзьмітрыеў. Пазьней міліцыя затрымлівала і іншых актывістаў кампаніі «Гавары праўду». Праз суд вядуцца спробы ліквідаваць установу «Рух наперад», у межах якой дзейнічае кампанія «Гавары праўду».
