06.09.2010 / 17:42

«БМВ» ушчэнт, двое насмерць +фота 6

Аварыя ў Гродзенскім раёне.

Учора раніцай каля вёскі Свіслач (Гродзенскі раён) кіроўца BMW не справіўся з кіраваннем. Аўтамабіль з’ехаў у кювет, перакуліўся і ўрэзаўся ў дрэва. У выніку ДТЗ два чалавекі загінулі, яшчэ адзін шпіталізаваны.

Па дадзеных ДАІ Гродзенскай вобласці, за рулём знаходзіўся 22-гадовы хлопец. На закругленні дарогі, вылучаным знакам «Небяспечны паварот», ён няправільна выбраў хуткасць. Машыну вынесла ў кювет, дзе яна стукнулася ў агароджу жылога дома і дрэва.

Кіроўца і 19-гадовы пасажыр памерлі на месцы. Яшчэ адзін юнак, які знаходзіўся ў аўтамабілі, змешчаны ў бальніцу. У ДАІ падкрэсліваюць:

вінаваты не меў пасведчання кіроўцы, ён 6 разоў затрымліваўся як асоба, што не мае права кіравання і 5 разоў — за кіраванне ў стане алкагольнага ап’янення.

А 4 лютага 2007 для яго спынення нават прыйшлося выкарыстаць зброю. Толькі пасля таго як у «Масквічы» былі прастрэленая заднія колы, машына спынілася. Тады кіроўца знаходзіўся ў стане алкагольнага ап’янення. Па ўсім відаць, гэтым разам ён таксама быў п’яны, мяркуюць інспектары.

Хочаш падзяліцца важнай інфармацыяй ананімна і канфідэнцыйна?

0
mihas / Адказаць
06.09.2010 / 18:28
кіроўца да гэтага імкнуўся
0
sanok666 / Адказаць
06.09.2010 / 18:33
эвалюцыя пабедзіла
0
wint / Адказаць
06.09.2010 / 23:37
Не было каму навучыць гэтага д'ябла.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру