БАТЭ не змог абыграць аўтсайдэра, а «Шахцёр» разграміў мінскае «Дынама» 2

У Мінску на стадыёне «Трактар» сёння, 19 верасня, гулялі аўтсайдэр чэмпіяната «Партызан» і чэмпіён краіны, наш прадстаўнік у Лізе Еўропы, барысаўскі БАТЭ.

Падапечныя Віктара Ганчарэнкі першымі забілі гол. На 21-й хвіліне вызначыўся Максім Скавыш, але ўтрымаць перамогу не здолелі. На 57-й хвіліне Мендзі лік зраўняў — 1:1.

Цікава, што ў 2-м крузе (17-ты тур) «Партызан» таксама адабраў пункты (ачкі) у БАТЭ, згуляўшы ў Мінску 1:1. У першым крузе-коле БАТЭ ў Барысаве разграміў былых трактарыстаў — 6:0.

У Салігорску сёння «Шахцёр» разграміў мінскае «Дынама» 3:0 (Рыас, 21, Сітко, 50, Пятроў, 78).

Нагадаем, што чатыры матчы прайшлі ў суботу:

«Мінск» — «Нёман» — 2:0, «Віцебск» — «Тарпеда — 0:1, «Белшына» — «Днепр» — 1:1, «Нафтан» — «Дынама» Брэст — 1:0.

Становішча камандаў: БАТЭ — 55 (24 гульні), ФК «Мінск» — 51, Шахцёр — 48, Дынама Мінск — 43, Белшына — 37, Нафтан -- 33, Дынама Брэст, Днепр — 32, Віцебск — 22, Тарпеда Жодзіна — 20, Нёман — 18, Партызан — 15.

У сераду, 22 верасня, у Барысаве будзе згуляны прапушчаны матч 20-га тура паміж БАТЭ і мінскім «Дынама».

АГ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ