Па факце катастрофы МіГ-29 распачата справа па ч. 2 арт. 465 КК (парушэнне правілаў палётаў ці падрыхтоўкі да іх або іншых правілаў эксплуатацыі вайсковых лятальных апаратаў, якое прывяло па неасцярожнасці да смерці дзвюх асоб). Аб гэтым паведамілі ў Беларускай ваеннай пракуратуры.
Нагадаем, паводле інфармацыі прэс-службы Мінабароны, 23 верасня каля 17.00 у Брэсцкай вобласці падчас планавых палётаў пры выкананні элементаў пілатажу павышанай складанасці на малых вышынях пацярпеў катастрофу самалёт МіГ-2961-й знішчальнай авіяцыйнай базы ВПС і войскаў СПА Узброеных сіл (Баранавічы).
Экіпаж паветранага судна ў складзе лётчыка 1-га класа, камандзіра авіяцыйнай эскадрыллі падпалкоўніка Сяргея Каваленкі і лётчыка 2-га класа, намесніка камандзіра авіяцыйнага звяна маёра Аляксандра Жыгайлы, прадухіляючы падзенне самалёта на населеныя пункты, адвёў машыну ў раён лясіста-балоцістай мясцовасці, дзе і адбылося яе крушэнне. Пілоты загінулі.
Вячаслаў Будкевіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
