24.09.2010 / 13:53

Мілінкевіч увайшоў у ініцыятыўную групу Кастусёва відэа: Кастусёў ля Цэнтрвыбаркаму 20

Каманда кандыдата ад Партыі БНФ налічвае 1307 чалавек.

Кандыдат у прэзідэнты ад Партыі БНФ Рыгор Кастусёў прэзентаваў сваю каманду. Кіраўніком ініцыятыўнай групы стаў лідэр арганізацыі Аляксей Янукевіч.

Увогуле у ініцыятыўную групу Кастусёва ўвайшло 1307 чалавек. На думку каманды, гэтага будзе дастаткова, каб сабраць 110 тысяч подпісаў.

Людзі Кастусёва будуць збіраць подпісы ў 84 гарадах і мястэчках. Прынамсі, у 40 з іх будуць выстаўленыя пікеты кандыдата. Было адзначана, што абсалютна ўсе ўдзельнікі групы будуць працаваць задарма.

Далучыўся да ініцыятыўнай групы Кастусёва і лідэр Руху «За Свабоду» Аляксандр Мілінкевіч. Ён плануе пачаць збор подпісаў ужо з першага дня.

Таксама БНФ пачынае вылучэнне сваіх прадстаўнікоў у тэрытарыяльныя выбарчыя камісіі. У мінскую гарадскую будуць прапанаваныя такія вядомыя людзі, як Юры Хадыка, Галіна Сямдзянава, Лявон Баршчэўскі.

Аляксей Янукевіч прызнаўся, што сам хацеў бы ўдзельнічаць у выбарах, але яшчэ не падыходзіць па ўзросце. «Зрэшты, я лічу, што Кастусёў — найлепшы варыянт. Мэтанакіраваны чалавек, які дабіваецца ўсіх пастаўленых задач. Ён стаў увасабленнем кансерватыўных поглядаў», — сказаў А.Янукевіч.

Лозунгам кампаніі стане «Свабода. Дабрабыт. Бяспека». Па словах Кастусёва, праграму БНФ могуць падтрымаць 30% выбарцаў. «Многія нашы напрацоўкі пачалі выкарыстоўваць і ўлады. Гэта тычыцца і Балта‑Чарнаморскага калектара, і сельскай гаспадаркі, і лесу», — зазначыў Р.Кастусёў.

Сярэдні ўзрост каманды Кастусёва складае ўсяго 30 гадоў. Гэта будзе ці не самая маладая ініцыятыўная група.

Хочаш падзяліцца важнай інфармацыяй ананімна і канфідэнцыйна?

Зміцер Панкавец

0
Кейстут / Адказаць
24.09.2010 / 14:17
На жаль, не збярэ ён 100 000 подпісаў, без грошай і такой маленькай ініцыятыўнай групай - гэта не рэальна, тым больш сама партыя з такім негатыўным іміджам..
0
Алесь* / Адказаць
24.09.2010 / 14:34
Не набярэ. А нават калі і набярэ, то не пераможа.
0
Алеся* / Адказаць
24.09.2010 / 14:50
А нават калі і пераможа, то не надоўга. А нават калі надоўга, то не назаўсёды. А нават калі назаўсёды, то...))) Алесь*, вітаю!)))
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру