Кампанія Google будзе спонсарам стварэння новага віду грамадскага транспарту – веламонарэйкі.
Першая з іх павінна з’явіцца ў ЗША цягам некалькіх гадоў. У якім горадзе пабудуюць монарэйкавую дарогу – пакуль камерцыйная таямніца. Кампанія Google выдаткавала адзін мільён даляраў на распрацоўку праекта.
Веламонарэйкі – гэта падвясная дарога з аднамеснымі кабінкамі з педалямі. Рухаецца кабінка па тым жа прынцыпе, што і ровар. Хуткасць таксама цалкам залежыць ад кіроўцы. У свеце такі від грамадскага транспарту ўжо існуе – як забаўка ў адным з паркаў Новай Зеландыі, кошт паездкі – 35 даляраў. Але прадстаўнікі Google разлічваюць зрабіць з веламонарэйкі новы від грамадскага транспарту. Асноўным плюсам праекту лічыцца ягоная экалагічнасць.
0
0
0
0
0
0
